विजय केशव गोखले यांची परराष्ट्र सचिवपदी नियुक्ती

नवी दिल्ली- केंद्र सरकारनं विजय केशव गोखले यांची परराष्ट्र सचिवपदी नियुक्ती केली आहे. एस. जयशंकर यांचा 28 जानेवारीला कार्यकाळ पूर्ण होत असल्यानं त्यांच्या जागी विजय गोखलेंना बढती देण्यात आली आहे. 1 जानेवारी 2018 ते दोन वर्षापर्यंतचा कालावधीसाठी त्यांना परराष्ट्र सचिवपदाचा पदभार सोपवण्यात आला आहे. विजय केशव गोखले हे 1881 सालच्या बॅचचे आयएफएस अधिकारी आहेत. विजय गोखले यांनी चीन, जर्मनी आणि मलेशिया या देशांमध्ये भारताचे राजदूत म्हणून काम पाहिले आहे.गोखले सद्या परराष्ट्र मंत्रालयात सचिव (आर्थिक संबंध) पदावर कार्यरत आहेत. कार्मिक आणि प्रशिक्षण विभागाकडून (डीओपीटी) जारी आदेशानुसार, कॅबिनेटच्या नियुक्ती समितीने गोखले यांच्या नियुक्तीला मंजुरी दिली आहे.

Vijay Keshav Gokhale appointed Foreign Secretary, replaces S Jaishankar who completes his tenure on January 28.

— ANI (@ANI) January 1, 2018

मँडारिन उत्तम प्रकारे बोलणारे अधिकारी
विजय गोखले हे मँडारिन भाषेत उत्तम संवाद साधू शकतात. त्यांनी भारताचे चीनमधील राजदूत म्हणूनही काम केले आहे. परराष्ट्र मंत्रालयात त्यांनी डायरेक्टर (चायना अँड इस्ट एशिया) आणि जाँइंट सेक्रेटरी (ईस्ट एशिया) या पदांवर काम केले आहे. तसेच हनोई, हाँगकाँग येथेही सेवा बजावली असल्याने त्यांच्या कारकिर्दीमध्ये भारताला चीनविषयक समस्या सोडवण्यास आणि पूर्व आशियाई देशांशी संबंध अधिक दृढ करण्यास मदत होणार आहे. विजय गोखले यांनी जर्मनीमध्येही भारताचे राजदूत म्हणून कार्य केले आहे.

Vijay Keshav Gokhale appointed as #ForeignSecretary. The appointment  committee of the cabinet has approved  the appointment. Shri Gokhale is IFS officer of 1981 batch. Currently he is Secretary ( Economic Relations) in the Ministry of #ExternalAffairs. He is from #Pune. pic.twitter.com/PXKDLAzDEE

— MAHA INFO CENTRE (@micnewdelhi) January 1, 2018