VIDEO- इंदूरमध्ये चिमुरडीवर बलात्कार करणाऱ्या आरोपीला स्थानिकांनी दिला चोप

आरोपीला कोर्टात नेत असताना संतापलेल्या स्थानिकांनी त्याला चांगलाच चोप दिला. 

इंदूर- मध्य प्रदेशच्या इंदूरमध्ये सहा महिन्याच्या चिमुरडीवर बलात्कार करून तिची हत्या केल्याच्या घटनेमुळे सगळीकडेच हळहळ व्यक्त केली जाते आहे. तसंच लोकांकडून आक्रोशही व्यक्त केला जातो आहे. या प्रकरणातील आरोपीला शनिवारी कोर्टात हजर करण्यात आलं. आरोपीला कोर्टात नेत असताना संतापलेल्या स्थानिकांनी त्याला चांगलाच चोप दिला. 

शनिवारी दुपारी आरोपीला इंदूर जिल्हा कोर्टात हजर करण्यासाठी नेलं जात होतं. त्यावेळी काही लोकांनी पोलीस जीपमधून उतरत असताना आरोपीला गाठत त्याला चांगलाच चोप दिला. या मारहाणीचा व्हिडीओ एएनआय या वृत्तसंस्थेने शेअर केला आहे. 

गुरूवारी (ता. 19 एप्रिल) राजवाडा भागातील एका इमारतीच्या बेसमेंटमध्ये रक्ताच्या थारोळ्यात सहा महिन्याच्या चिमुरडीता मृतदेह सापडला. मुलीचा मृतदेह सापडल्यावर एम वाय रुग्णालयात शवविच्छेदन करण्यात आलं. या मुलीच्या गुप्तांगातून रक्तस्राव झाल्याची माहिती शवविच्छेदनातून समोर आली. या मुलीचं अपहरण करणाऱ्या व्यक्तीची ओळख पटली असून त्याचं नाव सुनील भील असल्याचं समजतंय. सहा महिन्यांच्या चिमुरडीला खांद्यावरुन घेऊन जात असताना सुनील सीसीटीव्हीत कैद झाला. 'राजवाडा भागातील एका इमारतीच्या बेसमेंटमध्ये मुलीचा मृतदेह आढळून आला. राजवाडा किल्ला परिसरातून सुनीलनं लहान मुलीचं सकाळी अपहरण केलं होतं. यावेळी ती मुलगी तिच्या पालकांसोबत झोपली होती,' अशी माहिती इंदूरचे उपमहानिरीक्षक एच. सी. मिश्रा यांनी सांगितलं. सुनील भील हा मुलीच्या कुटुंबीयांना ओळखत होता, अशीही माहिती त्यांनी दिली. 

#WATCH: People thrash rape accused of the case where a girl under one year of age was raped and murdered in Indore. He was being presented before the District Court by the police. #MadhyaPradeshpic.twitter.com/Yx5HTT8EnW

— ANI (@ANI) April 21, 2018