तलाक विधेयकावरून भाजपविरोधात टीडीपी, एनडीएला राज्यसभेत मोठा धक्का

By लोकमत न्यूज नेटवर्क on Thu, January 04, 2018 3:46am

तोंडी तलाकच्या विधेयकावर राज्यसभेत सत्ताधारी राष्ट्रीय लोकशाही आघाडीला (एनडीए) राज्यसभेत मोठा धक्का बसला. एनडीएचा महत्वाचा घटक पक्ष तेलगू देसम पक्षाचे (टीडीपी) सी. एम. रमेश यांचे नाव हे विधेयक निवड समितीकडे पाठवावे अशी मागणी करणा-यांच्या यादीत पाहून भाजपचे अध्यक्ष अमित शाह व राज्यसभेतील पक्षाचे नेते अरूण जेटली यांना धक्काच बसला.

- हरीश गुप्ता नवी दिल्ली - तोंडी तलाकच्या विधेयकावर राज्यसभेत सत्ताधारी राष्ट्रीय लोकशाही आघाडीला (एनडीए) राज्यसभेत मोठा धक्का बसला. एनडीएचा महत्वाचा घटक पक्ष तेलगू देसम पक्षाचे (टीडीपी) सी. एम. रमेश यांचे नाव हे विधेयक निवड समितीकडे पाठवावे अशी मागणी करणा-यांच्या यादीत पाहून भाजपचे अध्यक्ष अमित शाह व राज्यसभेतील पक्षाचे नेते अरूण जेटली यांना धक्काच बसला. विधेयक जेव्हा मतदानाला येईल त्यावेळी विरोधी पक्ष आपल्या बाजुने उभे राहतील व बहुमत मिळवता येईल अशी आशा भाजपला होती. विधेयकाच्या सध्याच्या स्वरुपाला विरोध असलेल्या खासदारांची नावे काँग्रेसने जाहीर केली त्यात सी. एम. रमेश यांचे नाव होते. विशेष म्हणजे तेलगू देसमने लोकसभेत विधेयकाला पाठिंबा दिला होता. टीडीपीची ही कोलांटउडी धक्कादायक होती कारण राज्यसभेत या पक्षाचे सहा खासदार आहेत. भाजपला द्रमुक आणि अण्णाद्रमुकचा पाठिंबा मिळवण्यातही अपयश आले. या दोन्ही पक्षांचे १७ खासदार आहेत. भाजप आणि तेलगू देसम पक्ष यांच्यात फार काही चांगले नाही हे स्पष्ट आहे. टीडीपीने आपले स्वतंत्र अस्तित्व दाखवायचा हा काही पहिला प्रसंग नाही. आंध्र प्रदेशचे मुख्यमंत्री एन. चंद्रबाबू नायडू हे गुजरातचे मुख्यमंत्री विजय रुपानी यांच्या शपथविधी समारंभालाही उपस्थित नव्हते. आंध्र प्रदेशबद्दल भाजपच्या दृष्टिकोनामुळे नायडू असमाधानी असून संधी मिळताच त्यांनी आपली शक्ती दाखवून दिली. धक्का बसलेल्या भाजपने सभागृहाचे कामकाज विस्कळीत केले व त्यामुळे ते तहकूब करावे लागले. भाजप व टीडीपीत पडलेले अंतर शूभ संकेत नाहीत. सी. एम. रमेश यांच्याशी संपर्क साधला असता त्यांनी सांगितले की सध्याच्या स्वरुपातील विधेयकाला विरोध करण्याच्या पक्षाच्या आदेशाचे मी पालन केले.

संबंधित

गोवा भाजपाची वेबसाईट ‘हॅक’ 
'भाजपच्या मनात खोट, धाडसी निर्णय घेण्याची क्षमता काँग्रेसमध्येच'
राफेल संदर्भात मोदींचे मौन हीच त्यांच्या गुन्ह्याची कबुली : आनंद शर्मा 
थीम पार्कमध्ये ८२ टक्यांचा भ्रष्टाचार, आमदार संजय केळकर यांचा आरोप
मुख्यमंत्री मनोहर पर्रीकर 24 तास डॉक्टरांच्या देखरेखीखाली

राष्ट्रीय कडून आणखी

PM पदासाठी राहुल गांधी यांच्यापेक्षा मायावती योग्य; बसपा नेत्याचे विधान
हेरगिरीच्या आरोपाखाली मेरठमधून लष्कराच्या जवानाला अटक
एन्काऊंटरवेळी तोंडातून बंदुकीचा आवाज काढणाऱ्या पोलिसाला मिळणार शौर्य पुरस्कार
देवीच्या भक्तांवर काळाचा घाला, ट्रक-जीपच्या भीषण अपघातात 10 जणांचा मृत्यू
...अन् दान करण्यासाठी काढलेले 500 रुपये राहुल गांधींनी पुन्हा खिशात ठेवले

आणखी वाचा