SpiceJet विमानाचे इमर्जन्सी लँडिंग, टायर फुटला, सर्व प्रवासी सुरक्षित
By ऑनलाइन लोकमत | Published: June 12, 2019 01:20 PM2019-06-12T13:20:24+5:302019-06-12T13:28:22+5:30
दुबई-जयपूर एसजी-58 विमानात 189 प्रवासी होते. हे सर्व प्रवासी सुरक्षित आहेत.
SpiceJet विमानाचे इमर्जन्सी लँडिंग, टायर फुटला, सर्व प्रवासी सुरक्षित
जयपूर : राजस्थानमधील जयपूर विमानतळावर स्पाइसजेट विमानाचे बुधवारी इमर्जन्सी लँडिंग करण्यात आले. दुबई-जयपूर एसजी-58 या विमानाचा तांत्रिक बिघाड झाल्यामुळे इमर्जन्सी लँडिंग करण्यात आले. यावेळी इमर्जन्सी लँडिंग करताना विमानाचा टायर फुटला. ही घटना सकाळी नऊ वाजताच्या सुमारास घडल्याचे सांगण्यात येत आहे.
Rajasthan: Emergency landing of SpiceJet Dubai-Jaipur SG 58 flight with 189 passengers took place at Jaipur airport at 9:03 am today after one of the tires of the aircraft burst. Passengers safely evacuated. pic.twitter.com/H7WE9Yxroy
— ANI (@ANI) June 12, 2019
दुबई-जयपूर एसजी-58 विमानात 189 प्रवासी होते. हे सर्व प्रवासी सुरक्षित आहेत. जयपूर विमानतळावर विमानाचे इमर्जन्सी लँडिंग करण्यात आल्यानंतर विमानातील प्रवाशांना सुरक्षितस्थळी हलविण्यात आले आहे. तसेच, विमानतळावर सुरक्षा यंत्रणेकडून तपास सुरु आहे.
#WATCH: SpiceJet Dubai-Jaipur SG 58 flight with 189 passengers onboard made an emergency landing at Jaipur airport at 9:03 am today after one of the tires of the aircraft burst. Passengers safely evacuated. #Rajasthanpic.twitter.com/f7rjEAQt7M
— ANI (@ANI) June 12, 2019
दरम्यान, गेल्या आठवड्यात गो एअरच्या पाटणा- मुंबई विमानाचे औरंगाबादमधील चिकलठाणा आंतरराष्ट्रीय विमानतळावर इमर्जन्सी लँडिंग करण्यात आले होते. तांत्रिक बिघाडामुळे विमानाच्या दोन्ही इंजिनची गती मंदावली होती, त्यात विमानातील एसीही बंद पडल्याने प्रवाशांचा श्वास गुदमरत होता. यावेळी वैमानिकाने प्रसंगावधान राखत इमर्जन्सी लँडिंगचा निर्णय घेतला होता. या विमानात 165 प्रवासी होते.
