नेहरुंनी मुखर्जीच्या मृत्युच्या चौकशीचे आदेशच दिले नाहीत, जेपी. नड्डांचा आरोप

भाजपाचे संस्थापक श्यामाप्रसाद मुखर्जी यांना भारतीय जनता पार्टीकडून पुण्यतिथीनिमित्त श्रद्धांजली वाहण्यात आली.

नवी दिल्ली - भाजपाचे कार्यकारी अध्यक्ष जे.पी. नड्डा यांनी पंडित जवाहरलाल नेहरुंवर आरोप ठेवला आहे. भारतीय जनता पक्षाचे संस्थापक श्यामा प्रसाद मुखर्जी यांच्या पुण्यतिथीनिमित्त आयोजित कार्यक्रमात ते बोलत होते. इतिहास साक्षी आहे, देशभरातून मागणी होत असतानाही, मुखर्जी यांच्या मृत्युची चौकशी करण्याचे आदेश देशाचे दिवंगत पंतप्रधान पंडित जवाहरलाल नेहरू यांनी दिले नाहीत, असे नड्डा यांनी म्हटले. 

भाजपाचे संस्थापक श्यामाप्रसाद मुखर्जी यांना भारतीय जनता पार्टीकडून पुण्यतिथीनिमित्त श्रद्धांजली वाहण्यात आली. श्यामाप्रसाद मुखर्जी यांनी त्यांच्या जीवनात जे कार्य केले, ते तत्कालीन परिस्थिती पाहता खूप मोठे आहेत. त्यांच्या प्रयत्नामुळेच, आज पश्चिम बंगाल आणि काश्मीर भारताचे अविभाज्य अंग आहेत. देश श्यामाप्रसाद मुखर्जींचे बलिदान कधीही विसरणार नाही, असे नड्डा यांनी म्हटले. तसेच, श्यामाप्रसाद यांच्या मृत्युच्या चौकशीची मागणी देशभरातून होत होती. मात्र, पंडित नेहरुंनी या चौकशीचे आदेश दिले नाहीत, इतिहास याचा साक्षीदार असल्याचेही नड्डा यांनी म्हटले. पंतप्रधान नरेंद्र मोदी, अमित शहा, भाजपचे कार्यकारी अध्यक्ष नड्डांपासून ते वरिष्ठ नेत्यांनीही श्यामाप्रसाद मुखर्जी यांना पुण्यतिथीनिमित्त श्रद्धांजली वाहिली. तसेच, भाजपाकडून आजचा दिवस बलिदान दिन म्हणून साजरा करण्यात येत आहे.

BJP Working President JP Nadda: The whole country demanded an inquiry into Dr. #ShyamaPrasadMukherjee's death, but Pandit Nehru did not order an inquiry. History is witness to this. Dr.Mukherjee's sacrifice will never go in vain, BJP is committed to this cause pic.twitter.com/fKh107sepf

— ANI (@ANI) June 23, 2019

देशाची एकता आणि अखंडता यासाठी मुखर्जी यांनी आपले आयुष्य वेचले. शक्तिशाली आणि अखंड भारतासाठी त्यांचे असलेले विचार नेहमीच आम्हाला प्रेरण देत राहतील. महान देशभक्त श्यामाप्रसाद मुखर्जी यांना बलिदान दिनानिमित्त आदरपूर्वक आदरांजली, असे ट्विट पंतप्रधान नरेंद्र मोदींनी केले आहे. 

Remembering Dr. Syama Prasad Mookerjee on his Balidan Divas. A devout patriot and proud nationalist, Dr. Mookerjee devoted his life for India’s unity and integrity. His passion for a strong and united India continues to inspire us and gives us strength to serve 130 crore Indians.

— Narendra Modi (@narendramodi) June 23, 2019