मोदीजी, आपल्या संस्कृतीत महिलांचा सन्मान घरातून सुरू होतो - राहुल गांधी
By ऑनलाइन लोकमत | Published: January 10, 2019 10:16 AM2019-01-10T10:16:31+5:302019-01-10T10:17:37+5:30
'मोदीजी, आपल्या संस्कृतीत महिलांचा सन्मान घरापासून सुरू होतो,' असे म्हणत राहुल गांधी यांनी नरेंद्र मोदी यांना टोला हाणला आहे.
मोदीजी, आपल्या संस्कृतीत महिलांचा सन्मान घरातून सुरू होतो - राहुल गांधी
नवी दिल्ली: काँग्रेसकडून महिलांचा अपमान होत असल्याची टीका पंतप्रधान नरेंद्र मोदी यांनी काँग्रेसवर केली होती. नरेंद्र मोदींच्या या टीकेला काँग्रेसचे अध्यक्ष राहुल गांधी यांनी ट्विटरच्या माध्यमातून प्रत्युत्तर दिले आहे. 'मोदीजी, आपल्या संस्कृतीत महिलांचा सन्मान घरापासून सुरू होतो,' असे म्हणत राहुल गांधी यांनी नरेंद्र मोदी यांना टोला हाणला आहे.
'मोदीजी तुमचा संपूर्ण आदर ठेवत सांगतो, आपल्या संस्कृतीत महिलांचा सन्मान घरातून सुरू होतो. विषय भरकटवू नका. माझ्या प्रश्नाचे उत्तर द्या. ज्यावेळी तुम्ही मूळ राफेल करारात बदल केला, त्यावेळी वायुसेना आणि संरक्षण मंत्रालयाने आक्षेप घेतला होता का? हो की नाही?' असा सवाल राहुल गांधी यांनी राफेल करारावरून पुन्हा एकदा नरेंद्र मोदींना लक्ष केले आहे.
With all due respect Modi Ji, in our culture respect for women begins at home.
— Rahul Gandhi (@RahulGandhi) January 9, 2019
Stop shaking. Be a man and answer my question: Did the Air Force and Defence Ministry object when you bypassed the original Rafale deal?
Yes? Or No? #RafaleScam
दरम्यान, राफेल मुद्द्यावरून गेल्या काही दिवसांपासून राहुल गांधी सतत नरेंद्र मोदी यांच्यावर निशाणा साधत आहेत. राफेल या लढाऊ विमान खरेदी प्रकरणात नरेंद्र मोदी यांनी मोठा भ्रष्टाचार केला, असा आरोप राहुल गांधी यांनी आहे. 'राफेल विमानांची नरेंद्र मोदी सरकारने अचानक किंमत वाढवली. तसेच, 'एचएएल' या शासकीय कंपनीस भागीदारी देण्याचे निश्चत झाले होते. मात्र, 'एचएएल'ला डावलून राफेल करारामध्ये उद्योजक अनिल अंबानी यांच्या कंपनीचा समावेश करण्यात आला. हे सर्व अनिल अंबानींच्या वैयक्तिक फायद्यासाठी केल्याचाही आरोप राहुल गांधी यांनी केला आहे.
