जम्मू-काश्मीरमध्ये हुर्रियत नेत्याची गोळ्या झाडून हत्या

जम्मू काश्मीरमध्ये एका हुर्रियत नेत्याची गोळ्या झाडून हत्या करण्यात आली आहे. हफीजुल्लाह मीर असे हत्या करण्यात आलेल्या हुर्रियत नेत्याचं नाव आहे.

श्रीनगर : जम्मू काश्मीरमध्ये एका हुर्रियत नेत्याची गोळ्या झाडून हत्या करण्यात आली आहे. हफीजुल्लाह मीर असे हत्या करण्यात आलेल्या हुर्रियत नेत्याचं नाव आहे. दक्षिण काश्मीरमधील ही घटना आहे. या घटनेनंतर त्यांना तातडीनं हॉस्पिटलमध्ये दाखल करण्यात आले. पण डॉक्टरांनी त्यांना मृत घोषित केले. 

(Jammu Kashmir : शोपियान चकमकीत चार दहशतवाद्यांचा खात्मा, एक जवान शहीद)

दक्षिण काश्मीरमधील अचाबल परिसरात मंगळवारी सकाळी हफीज्जुल्लाह मीर यांच्यावर अज्ञातांकडून गोळी झाडण्यात आल्या. या हल्ल्यात त्यांचा मृत्यू झाला. या घटनेचा पोलीस तपास करत असून हल्लेखोरांचा शोधही सुरू करण्यात आला आहे. मीर हे अनंतनागमधील तहरीक-ए-हुर्रियतचे जिल्हाध्यक्ष होते. गेल्याच महिन्यात ते तुरुंगातून बाहेर आले होते.  

Hurriyat leader Hafizullah Mir shot at in Achabal area of South Kashmir. He has been admitted to hospital. More details awaited. #JammuAndKashmir

— ANI (@ANI) November 20, 2018

#UPDATE: Hurriyat leader Hafizullah Mir who was shot at in Achabal area of South Kashmir has succumbed to injuries. Police have initiated an investigation in the matter. https://t.co/hHG0xkdiSi

— ANI (@ANI) November 20, 2018