Fuel Price Hike : पेट्रोल-डिझेलचे भाव भडकले! मुंबईकरांना पेट्रोलसाठी मोजावे लागणार 87.81 रुपये

पेट्रोल, डिझेलच्या किमती दररोज वाढत असल्याने सर्वसामान्य जनता त्रस्त झाली आहे. दर कपातीनंतर पुन्हा एकदा इंधन दरवाढीचा भडका उडाला आहे.

नवी दिल्ली : पेट्रोल, डिझेलच्या किमती दररोज वाढत असल्याने सर्वसामान्य जनता त्रस्त झाली आहे. दर कपातीनंतर पुन्हा एकदा इंधन दरवाढीचा भडका उडाला आहे. दिल्ली आणि मुंबईमध्ये पेट्रोल आणि डिझेल पुन्हा एकदा महागलं आहे. मुंबईत गुरुवारी (11 ऑक्टोबर) पेट्रोल 9 पैसे तर डिझेल 29 पैसे प्रति लिटरने महाग झाले आहे. यामुळे मुंबईत आजचा पेट्रोलचा प्रति लिटर दर 87.81 तर डिझेलचा प्रति लिटर दर 78.21 झाला आहे.

(सौजन्यः पेट्रोल-डिझेल प्राइज डॉट कॉम)

राजधानी दिल्लीत पेट्रोल 10 पैसे तर डिझेल 27 पैशांनी प्रति लिटरमागे महाग झाले आहे. यामुळे दिल्लीमध्ये पेट्रोलसाठी एक लिटरमागे 82.36 रुपये तर डिझेलसाठी प्रति लिटर 74.62 रुपये नागरिकांना मोजावे लागत आहे.

Petrol and diesel prices in #Delhi are Rs 82.36 per litre (increase by Rs 0.10) and Rs 74.62 (increase by Rs 0.27) respectively. Petrol and diesel prices in #Mumbai are Rs 87.82 per litre (increase by Rs 0.9) and Rs 78.22 per litre (increase by Rs 0.29) respectively. pic.twitter.com/FyWYDeEKLq

— ANI (@ANI) October 11, 2018

इंधनाचा भडका आणि महागाईचा चटका सहन करणारी देशातील जनता केंद्रातील नरेंद्र मोदी सरकारवर नाराज होती. पेट्रोलने ओलांडलेली नव्वदी आणि डिझेलने पार केलेला 80चा आकडा यामुळे अच्छे दिनच्या स्वप्नाची पार ऐशी तैशी झाल्याची भावना व्यक्त होत होती. विरोधी पक्षही या मुद्द्यावरून सरकारवर टीकेची झोड उठवत होते. या पार्श्वभूमीवर, सणासुदीचे दिवस आणि निवडणुका डोळ्यांपुढे ठेवून केंद्र आणि राज्य सरकारने नागरिकांना दरकपातीची भेट दिली होती. मात्र त्यानंतरही इंधन दरवाढीची मालिका सुरुच आहे.