माजी सनदी अधिकारी किशोर गजभिये आणि उत्तम खोब्रागडे काँग्रेसमध्ये

By लोकमत न्यूज नेटवर्क on Sat, February 10, 2018 2:12am

माजी सनदी अधिकारी किशोर गजभिये आणि उत्तम खोब्रागडे यांनी कॉँग्रेसमध्ये प्रवेश केला. या दोघांनीही शुक्रवारी दिल्लीत कॉँग्रेसचे राष्ट्रीय अध्यक्ष राहुल गांधी यांची भेट घेतली. गांधी यांनी पुष्पगुच्छ देऊन त्यांचे स्वागत केले.

नवी दिल्ली : माजी सनदी अधिकारी किशोर गजभिये आणि उत्तम खोब्रागडे यांनी कॉँग्रेसमध्ये प्रवेश केला. या दोघांनीही शुक्रवारी दिल्लीत कॉँग्रेसचे राष्ट्रीय अध्यक्ष राहुल गांधी यांची भेट घेतली. गांधी यांनी पुष्पगुच्छ देऊन त्यांचे स्वागत केले. खोब्रागडे हे सेवानिवृत्त झाल्यानंतर त्यांनी सामाजिक न्याय राज्यमंत्री रामदास आठवले यांच्या नेतृत्वात रिपब्लिकन पक्षात प्रवेश केला होता. बेस्टचे महासंचालक म्हणून खोब्रागडे यांची कारकीर्द वादळी ठरली होती. किंगलाँग बसेसची खरेदी करण्यासह त्यांनी घेतलेले अनेक निर्णय वादग्रस्त ठरले होते. भारतीय परराष्टÑ सेवेत असलेली त्यांची कन्या देवयानी खोब्रागडे यांच्यावर मोलकरणीचे आर्थिक शोषण केल्यासंदर्भात ठपका ठेवण्यात आला होता. किशोर गजभिये यांनी मुंबई महापालिकेच्या अतिरिक्त आयुक्त पदाचा राजीनामा देऊन खासगी कंपनीत नोकरी पत्करली होती. निवृत्त झाल्यानंतर त्यांनी मायावतींच्या बहुजन समाज पार्टीत प्रवेश केला होता. गजभिये यांचे सामाजिक कार्य मोठे आहे. ते विविध सामाजिक संस्थांशी जुळले आहेत.

संबंधित

लोकसभा उमेदवारीसाठी काँग्रेसच्या संभाव्य नावांवर शुक्रवारी चर्चा
नोटाबंदी हा आजवरचा सर्वात मोठा घोटाळा, काँग्रेसचा घणाघाती आरोप
शेतकऱ्यांच्या समस्यांकडे दुर्लक्ष
निवडणुकीचं तिकीट कापलं, 'काँग्रेस नेत्याकडून आत्महत्येचा प्रयत्न'
आंबेडकरांसोबत आघाडीसाठी दोन्ही काँग्रेस अनुकूल

राष्ट्रीय कडून आणखी

Today's Fuel Price : पेट्रोल 17 पैसे तर डिझेल 16 पैशांनी स्वस्त
अनंत कुमार असामान्य नेते; पंतप्रधान मोदींकडून श्रद्धांजली
चक्क झोपड्या, तंबूत मतदान केंद्र; हेलिकॉप्टरने गेली निवडणूक पथके
भाजपाचे ज्येष्ठ नेते आणि केंद्रीयमंत्री अनंत कुमार यांचे निधन
नाशिकच्या जवानाला काश्मीरमध्ये वीरमरण, दहशतवाद्यांशी लढताना शहीद

आणखी वाचा