अरुणाचल प्रदेशातील गावाचं नशीब पालटलं, एका रात्रीत अख्खं गाव झालं करोडपती

By ऑनलाइन लोकमत on Fri, February 09, 2018 9:21am

अरुणाचल प्रदेशातील एका गावातील प्रत्येक कुटुंब आज करोडपती झालं आहे

गुवाहाटी - अरुणाचल प्रदेशातील एका गावातील प्रत्येक कुटुंब आज करोडपती झालं आहे. तुमचा विश्वास बसत नसेल, पण हे अगदी खरं आहे. बोमजा असं या गावाचं नाव आहे. या गावातील प्रत्येक कुटुंबाकडे आज करोडो रुपये आहेत. आता हे नेमकं कसं झालं असा प्रश्न तुम्हाला पडला असेल. तर झालं असं की, बोमजा गाव चीन आणि भूतानच्या सीमेलगत तवांग जिल्ह्यात आहे. भारतीय लष्कराला या गावात आपला तळ उभारायचा आहे त्यामुळे त्यांनी गावाची 200 एकर जमीन अधिग्रहण केली आहे. संरक्षण मंत्रालयाने या जमिनीच्या मोबदल्यात गावाला 40.80 कोटींहून जास्त रक्कम दिली आहे. महत्वाची गोष्ट म्हणजे गावात फक्त 31 कुटुंबं राहतात, त्यामुळे गावातील प्रत्येक कुटुंबाच्या वाट्याला एक कोटीहून जास्त रक्कम येत आहे. 

एका कुटुंबाला सर्वात जास्त 6.73 कोटींचा मोबदला मिळाला आहे. मुख्यमंत्री पेमा खांडू यांनी गावक-यांना त्यांच्या हक्काची रक्कम सुपूर्त केली आहे. यासोबतच आशियातील समृद्ध गावांच्या यादीत बोमजा गावाचा समावेश झाला आहे. गुजरातमधील कच्छ जिल्ह्यातील माढापूर गावात सर्वात जास्त समृद्ध गाव मानलं जातं. सीमेवरील चीनच्या वाढत्या हालचाली पाहता भारतानेही या ठिकाणी विकासाच्या योजना आणि कामे सुरु केली आहेत. 

बोमजा गावातील 31 कुटुंबांपैकी 29 कुटुंबांना 1.09 कोटी रुपये मोबदला म्हणून मिळाले आहेत. उर्वरित दोन कुटुंबांपैकी एका कुटुंबाला 2.45 कोटी, तर दुस-या कुटुंबाला 6.73 कोटींचा मोबदला देण्यात आला आहे. पंतप्रधान नरेंद्र मोदींच्या नेतृत्वात अरुणाचल प्रदेश योग्य दिशा आणि प्रगतीकडे वाटचाल करत असल्याचं मुख्यमंत्री पेमा खांडू बोलले आहेत. केंद्र सरकारच्या मदतीने राज्याच्या विकासाला गती मिळाल्याचंही त्यांनी म्हटलं आहे. खासकरुन रेल्वे, हवाई मार्ग आणि रस्त्यांच्या विकासावर लक्ष दिलं जात असून डिजिटल क्षेत्रातही राज्य विकास करत असल्याचं त्यांनी सांगितलं. 

संबंधित

'तो' 20 वर्षांपासून शहीद जवानांच्या कुटुंबीयांना पत्र पाठवतो... आभार मानतो! 
तोफखाना होणार प्रबळ; अल्ट्रालाइट हॉवित्झर, के ९ वज्रमुळे सामर्थ्यात मोलाची भर
छत्तीसगढ विधानसभा निवडणुकीत ६५,००० जवानांचा बंदोबस्त
मराठा सैनिक तैनात असतो, तिथला शत्रू घाबरतो; लष्करप्रमुखांची स्तुतिसुमनं
भारतीय लष्कराने पाकिस्तानी सैन्याची  LOC जवळील प्रशासकीय इमारत उडवली 

राष्ट्रीय कडून आणखी

रिझर्व्ह बँक ताब्यात घेण्यासाठी सरकारचा सुरू आहे आटापिटा, चिदम्बरम यांचा आरोप
तीन राज्यांत पेट्रोल डिझेलपेक्षा स्वस्त; सर्वसामान्यांना दिलासा, पण महागाई वाढणार
धक्कादायक...अजमल कसाब भारतीय असल्याचे उत्तरप्रदेशमध्ये दिले निवासी प्रमाणपत्र
...तर भारत कोणतेही युद्ध कमी वेळात जिंकेल : हवाई दल प्रमुख
उत्तरकाशी-यमुनोत्री हायवेवर बस दरीत कोसळून 12 ठार, 13 जखमी

आणखी वाचा