दिल्लीचे मुख्यमंत्री अरविंद केजरीवाल बसणार आमरण उपोषणाला

दिल्लीचे मुख्यमंत्री अरविंद केजरीवाल यांनी दिल्लीला पूर्ण राज्याचा दर्जा मिळावा या मागणीसाठी येत्या एक मार्चपासून आमरण उपोषण करण्याचा निर्णय घेतला आहे.

नवी दिल्ली : दिल्लीचे मुख्यमंत्री अरविंद केजरीवाल यांनी दिल्लीला पूर्ण राज्याचा दर्जा मिळावा या मागणीसाठी येत्या एक मार्चपासून आमरण उपोषण करण्याचा निर्णय घेतला आहे. अरविंद केजरीवाल यांनी शनिवारी दिल्ली विधानसभेत सांगितले की, मी एक मार्चपासून दिल्लीला पूर्ण राज्याचा दर्जा मिळण्यासाठी आमरण उपोषण करणार आहे. 

दिल्लीला पूर्ण राज्याचा दर्जा मिळण्यासाठी आम्ही एक आंदोलन सुरु करत आहोत. एक मार्चपासून सुरु होणारे आमरण उपोषण दिल्लीला पूर्ण राज्याचा दर्जा मिळेपर्यंत सुरु राहणार आहे. दिल्लीतील लोकांनी आम्हाला भरपूर काही दिले आहे. त्यांच्यासाठी वेळ आली तर मृत्यूला सामोरा जायलाही तयार आहे, असे अरविंद केजरीवाल यांनी सांगितले. 

Delhi Chief Minister Arvind Kejriwal: From 1 March we will launch the movement to make Delhi a full state and we will not end it till Delhi gets full statehood. pic.twitter.com/48prR6lL4k

— ANI (@ANI) February 23, 2019

दिल्ली सोडून संपूर्ण देशात लोकशाही आहे. दिल्लीतील लोक मत देऊन सरकार निवडतात पण सरकारला कोणतेही अधिकार नाहीत. त्यासाठी आम्ही एक मार्चपासून चळवळ चालू करणार आहोत. दिल्लीला पूर्ण राज्याचा दर्जा मिळेपर्यंत मी आमरण उपोषणाला करणार आहे असे केजरीवाल यांनी म्हटले आहे.

Delhi CM Arvind Kejriwal: Democracy has been implemented in entire nation, but not Delhi. Public votes & selects a government, but the government has no power. So we're starting a movement on March 1 & I'll sit on indefinite fast for the full statehood of Delhi pic.twitter.com/O9BiuBVQHY

— ANI (@ANI) February 23, 2019