जवानाचे अतुलनीय शौर्य, 20 जवानांचे प्राण वाचवून झाला शहीद 

भारतीय लष्करातील जवान देशवासीयांच्या रक्षणासाठी प्राण तळहातावर घेऊन सज्ज असतात. जवानांच्या कर्तव्यदक्षतेचा प्रत्यय आणून देणारी घटना घडली आहे.

इन्फाळ- भारतीय लष्करातील जवान देशवासीयांच्या रक्षणासाठी प्राण तळहातावर घेऊन सज्ज असतात. जवानांच्या कर्तव्यदक्षतेचा प्रत्यय आणून देणारी घटना मणिपूरमध्ये घडली आहे. इन्फाळमध्ये कर्तव्यावर असलेल्या सीआरपीएफच्या एका जवानाने प्रसंगावधान राखत बसमधून प्रवास करणा-या इतर 20 जवानांचे प्राण वाचवले आहेत. पोलिसांच्या माहितीनुसार, बसमधून सीआरपीएफ जवानांची एक तुकडी कंगपोकपी जिल्ह्यातून इन्फाळमधल्या पश्चिम जिल्ह्यातील लामफेलमधील शिबिराकडे जात होती. त्याच दरम्यान बसमध्ये ग्रेनेड फेकण्यात आला. बसमध्ये पडलेला (ग्रेनेड) बॉम्ब त्या जवानानं पाहिला अन् प्रसंगावधान राखत ग्रेनेड घेऊन त्या जवानानं बसबाहेर धाव घेतली. त्याचदरम्यान या ग्रेनेडचा स्फोट झाला. या जवानाला वीरमरण आले, मात्र बसमधून प्रवास करणाऱ्या 20 जवानांचे प्राण वाचले.

उमेश हेलवार असे या वीरमरण आलेल्या जवानाचे नाव असून, ते बेळगावजवळील गोकाक येथील रहिवासी आहेत. ते मणिपूरमधील इंफाळ येथे कर्तव्यावर होते. तिथे एका बसमधून प्रवास करत असताना हेलावार यांना बसमध्ये पडलेले ग्रेनेड दिसले. त्यानंतर क्षणाचाही विलंब न लावता हे ग्रेनेड घेऊन ते बसबाहेर धावले. तेवढ्यातच या ग्रेनेडचा स्फोट होऊन हेलवार यांचा मृत्यू झाला. मात्र त्यांनी दाखवलेल्या प्रसंगावधानामुळे बसमधून प्रवास करणाऱ्या 20 जवानांचे प्राण वाचले. 

Constable Umesh M Helavar sacrificed his life retaliating a grenade attack on Nagampal Road, Imphal.

The young man displayed unparalleled bravery and took whole impact of the grenade blast in an attempt to save his fellows and made ultimate sacrifice in service of nation. pic.twitter.com/bOLHqudJq3

— CRPF (@crpfindia) October 20, 2018

शहीद उमेश हेलवार यांचे पार्थिव शरीर त्यांचा मूळ गावी आणण्यात आले. उमेश यांच्या पश्चात वडील, आई आणि दोन भाऊ असा परिवार आहे. दरम्यान,  उमेश यांच्यावर संपूर्ण सन्मानाने अंत्यसंस्कार करण्यात आले.

Imphal: One CRPF personnel dead and another injured after a bomb exploded in Samu Makhong inside Khwairamband Bazar around 5:45 PM. #Manipur

— ANI (@ANI) October 20, 2018