मेघालयात काँग्रेसला झटका, चार आमदारांचा भाजपात प्रवेश 

By ऑनलाइन लोकमत on Tue, January 02, 2018 4:04pm

मेघालय विधानसभा निवडणुकीच्या तोंडावर येथील राजकीय घडामोडींना वेग आला आहे. यातच आता कॉंग्रेस पक्षाला मोठा फटका बसला आहे. कॉंग्रेसच्या चार आमदारांनी भारतीय जनता पार्टीमध्ये प्रवेश केला आहे.

शिलॉंग : मेघालय विधानसभा निवडणुकीच्या तोंडावर येथील राजकीय घडामोडींना वेग आला आहे. यातच आता कॉंग्रेस पक्षाला मोठा फटका बसला आहे. कॉंग्रेसच्या चार आमदारांनी भारतीय जनता पार्टीमध्ये प्रवेश केला आहे. भाजपामध्ये प्रवेश करण्याआधीच कॉंग्रेसच्या पाच आमदारांनी विधानसभेच्या सदस्यत्त्वाचा राजीनामा देऊन पक्षासमोर नवे संकट उभे केले होते. विशेष म्हणजे या पाच आमदारांमध्ये माजी उपमुख्यमंत्री रॉवेल लिंगडोह यांचा समावेश आहे. दरम्यान, मेघालय भाजपाचे अध्यक्ष शिबून लिंगदोह आणि भाजपाचे सरचिटणीस (ईशान्य भारताचे प्रभारी) राम माधव  यांच्या उपस्थितीत या आमदारांनी भाजपामध्ये प्रवेश केला. 

काँग्रेसचे वरिष्ठ नेते व माजी कॅबिनेट मंत्री ए. एल. हेक मंगळवारी भाजपात प्रवेश करणार आहेत. तसेच, हेक यांच्यासोबत आणखी तीन आमदार पक्षात अधिकृतपणे सामील होणार आहेत, असे मेघालय भाजपाचे अध्यक्ष शिबून लिंगदोह यांनी आधीच सांगितले होते. दरम्यान, गेल्या आठवड्यात सत्ताधारी काँग्रेसमधील पाच आमदारांसह आठ आमदारांनी विधानसभा सदस्यत्वाचा राजीनामा दिला होता.

 

संबंधित

Balasaheb Thackeray Birth Anniversary : हिंदुहृदयसम्राट बाळासाहेब ठाकरेंना दिग्गजांनी वाहिली आदरांजली
पंतप्रधानपदासाठी शिवसेना देणार भाजपाच्या 'या' नेत्याला पाठिंबा
शिवसेनेला किक मारुन सत्तेबाहेर काढावं लागेल- नारायण राणे
EVM Hacking : भाजपच्या नेत्याकडे ब्लॅकमेलसाठी गेली टीम; 11 जणांची हत्या केली
'बेटी बचाओ, बेटी पढ़ाओ'चं वास्तव; 56% निधी फक्त प्रसिद्धीवर खर्च

राष्ट्रीय कडून आणखी

स्वच्छ राजकारणासाठी फैसल यांचे लोकवर्गणी अभियान
वकिलांच्या मोदींकडे अवाच्या सव्वा मागण्या
पतीचे घराला कुलूप; कनकदुर्गा निवारागृहात, अय्यप्पा मंदिरात गेल्याचा परिणाम
हिंदू-मुस्लिम विवाहितांची अपत्ये औरसच- सर्वोच्च न्यायालय
देशांतर्गत विमान प्रवाशांच्या संख्येत १८.६७ टक्क्यांची वाढ

आणखी वाचा