वैमानिक पती-पत्नीमध्ये विमानातच जुंपली! जेट एअरवेजचं विमान दुर्घटनाग्रस्त होता होता थोडक्यात बचावलं

By ऑनलाइन लोकमत on Wed, January 03, 2018 11:20pm

विमानातून प्रवास करताय आणि अचानक वैमानिकांमध्ये भांडण झालं, असं चित्र कधी तुम्ही पाहिलंय काय ? नाही ना, अशीच एक घटना लंडनहून मुंबईला येणा-या विमानात घडली आहे.

नवी दिल्ली- विमानातून प्रवास करताय आणि अचानक वैमानिकांमध्ये भांडण झालं, असं चित्र कधी तुम्ही पाहिलंय काय ? नाही ना, अशीच एक घटना लंडनहून मुंबईला येणा-या विमानात घडली आहे. नववर्षांच्या पहिल्याच दिवशी लंडनहून मुंबईच्या दिशेनं एक विमान येत होतं. या विमानात प्रवासी नव्हे, तर चक्क पती-पत्नी वैमानिकच आपापसात भिडले आहेत. विशेष म्हणजे या वैमानिकांच्या भांडणात विमान दुर्घटनाग्रस्त होता होता थोडक्यात बचावलं आहे. 1 जानेवारी 2018 रोजी ही घटना घडली आहे. ज्यावेळी वा-याच्या वेगानं विमान उड्डाण करत होते, त्यावेळी या पती-पत्नी असलेल्या वैमानिकांमध्ये कॉकपिटमध्ये भांडण झालं. या विमानात 324 प्रवासी होते. त्यातील काही प्रवासी हे झोपले होते, तर काही जागे होते. जेट एअरवेजचं विमान 9डब्लू119 हे लंडनहून उड्डाण करून मुंबईत येत असतानाच या नवरा-बायकोंमध्ये कडाक्याचं भांडण झालं. त्यानंतर महिला वैमानिक पाणावलेल्या डोळ्यांनी कॉकपिटच्या बाहेर येऊन रडू लागली. त्यामुळे केबिन क्रू मेंबर्सही आश्चर्यचकीत झाले. महिला वैमानिकाला अचानक का रडू कोसळलं, या प्रश्नानं सर्वच अवाक् झाले.   त्यानंतर सगळीकडे चर्चा झाल्यानंतर वैमानिक असलेल्या पती-पत्नींमध्ये भांडण झाल्याचं समोर आलं. त्या महिला वैमानिक पत्नीनं पहिल्यांदा पतीच्या कानशिलात लगावली. त्यानंतर त्यांच्याच जोरजोरात कडाक्याचं भांडण झालं. परंतु त्या दोघांमध्ये भांडण झालं, त्यावेळी विमान हवेत होतं. या प्रकारानंतर DGCAनं महिला वैमानिकाचा परवाना रद्द केला आहे. तसेच या दोघांनाही कामावरून तात्पुरतं निलंबित केलं असून, प्रकरणाची चौकशी सुरू आहे. 

संबंधित

गेल्या 13 वर्षात दर तीन दिवसाआड एक जवान झाला शहीद
‘घुमर’वर नृत्य केल्याने करणी सेनेने घातला गोंधळ, शाळेचा सांस्कृतिक कार्यक्रम उधळला
काँग्रेसने ‘त्या’ टीकेनंतर केले नौदलाचे अभिनंदन
मुख्यमंत्री मनोहर पर्रीकर यांना पोलिसांनी समन्स पाठवावे, काँग्रेस प्रदेशाध्यक्षांची मागणी
सैन्य दिनी सीमेवर भारताची घातक कारवाई, पाकिस्तानचे सात सैनिक ठार

राष्ट्रीय कडून आणखी

शैक्षणिक गुणवत्तेच्या आधारावर शाळेचा दर्जा ठरावा- विनोद तावडे
काँग्रेस आणि दुष्काळ हातात हात घालून चालतात, मोदींची काँग्रेसवर टीका
तामिळनाडूत जलीकट्टू खेळादरम्यान आणखी दोघांचा मृत्यू, सुरक्षा व्यवस्थेवर प्रश्नचिन्ह 
'हा मोदी-अमित शहांचा कट', तोगडियांची भेट घेतल्यानंतर हार्दिक पटेलची प्रतिक्रिया
प्रवीण तोगाडियांना पत्रकार परिषदेत रडू कोसळलं, म्हणाले माझा एन्काऊंटर करण्याचा होता कट

आणखी वाचा