राबडी देवींकडून बलात्काऱ्याचं समर्थन; म्हणाल्या, हे यादवांना बदनाम करण्याचे षड्यंत्र
By ऑनलाइन लोकमत | Published: April 5, 2019 11:30 AM2019-04-05T11:30:40+5:302019-04-05T11:55:17+5:30
बिहारच्या माजी मुख्यमंत्री राबडी देवी यांनी बलात्कार प्रकरणात शिक्षा भोगत असलेल्या आपल्याच पक्षातील एका माजी आमदाराचं समर्थन केलं आहे.
राबडी देवींकडून बलात्काऱ्याचं समर्थन; म्हणाल्या, हे यादवांना बदनाम करण्याचे षड्यंत्र
पाटणा - बिहारच्या माजी मुख्यमंत्री राबडी देवी यांनी बलात्कार प्रकरणात शिक्षा भोगत असलेल्या आपल्याच पक्षातील एका माजी आमदाराचं समर्थन केलं आहे. अल्पवयीन मुलीवर बलात्कार प्रकरणात शिक्षा भोगत असलेल्या आरजेडीचा आमदार राजवल्लभ याला सरकारने या प्रकरणात फसवलं आणि तुरुंगात टाकलं. इतकच नाही तर असे करून यादवांना बदनाम करण्याचा प्रयत्न केल्याचा आरोप राबडी देवी यांनी केला आहे.
नवादा येथे एका सभेचं आयोजन करण्यात आलं होतं. त्यावेळी राबडी देवी यांनी पंतप्रधान नरेंद्र मोदी आणि नितीश कुमार यांच्यावरही जोरदार टीका केली आहे. आरजेडीकडून बलात्कार प्रकरणात शिक्षा भोगत असलेल्या राजवल्लभ याची पत्नी विभा देवी यांना नवादा येथून लोकसभेसाठी तिकीट देण्यात आले आहे. विभा देवी यांच्या प्रचारासाठी आलेल्या राबडी देवी यांनी त्यांचा प्रचार करताना राजवल्लभ कसा निर्दोष आहे आणि सरकारकडून त्याला कसं फसवण्यात आले आहे हे सांगून त्याचं समर्थन केलं आहे. राबडी देवी यांनी अल्पवयीन मुलीवर बलात्कार प्रकरणात शिक्षा भोगत असलेल्या राजवल्लभ याला सरकारने या प्रकरणात फसवलं आणि तुरुंगात टाकलं. इतकच नाही तर असे करून यादवांना बदनाम करण्याचा प्रयत्न केल्याचा आरोप केला आहे. राजवल्लभला न्यायालयाने दोषी ठरवले असताना देखील राबडी देवी यांनी त्याचे समर्थन केले आहे. त्यामुळे त्यांच्या वक्तव्यावर भाजपाने आक्षेप घेतला आहे.
Rabri Devi in Nawada: Sabhi logon se meri appeal rahegi, jis tarah se Raj Ballabh (rape convict) ji ko ye log phasane ka kaam kiya, jail bhejne ka kaam kiya, yadavon ko badnaam karne ka kaam kiya hai. Vibha Devi pratyashi hain, Vibha Devi ko jitane ka kaam kariyega(4.4.19) #Biharpic.twitter.com/aBULtoHoVd
— ANI (@ANI) April 5, 2019
