लेखी माफी माग अन्यथा...; गौतम गंभीरला आपकडून 24 तासांची मुदत

पूर्व दिल्ली लोकसभा मतदारसंघात आम आदमी पार्टीच्या आतिशी मार्लेना यांच्याबद्दलचा आक्षेपार्ह मजकूर असलेली पत्रकं वाटल्यावरुन मोठा वाद निर्माण झाला.

नवी दिल्ली : भाजपाचा पूर्व दिल्लीतील उमेदवार आणि माजी क्रिकेटर गौतम गंभीरच्या अडचणींमध्ये वाढ झाली आहे. आपच्या उमेदवार आतिशी मार्लेना यांच्याबाबतचा आक्षेपार्ह मजकूर भाजपा आणि गंभीरने वाटल्याचा आरोप केला होता. याबाबत गंभीर आणि भाजपाने पुढील 24 तासांत लेखी माफी मागावी आणि वृत्तपत्रांमधून खरे आणि योग्य वस्तुस्थिती मांडावी, अशी कायदेशीर नोटीसच पाठविली आहे. 

पूर्व दिल्ली लोकसभा मतदारसंघात आम आदमी पार्टीच्या आतिशी मार्लेना यांच्याबद्दलचा आक्षेपार्ह मजकूर असलेली पत्रकं वाटल्यावरुन मोठा वाद निर्माण झाला. याबाबत आतिशी यांनी पत्रकार परिषद घेत हा मजकूर वाचून दाखविला होता. यानंतर त्यांना रडू कोसळले होते. यावर दिल्लीचे मुख्यमंत्री अरविंद केजरीवाल आणि उपमुख्यमंत्री मनीष शिसोदिया यांनी अब्रुनुकसानीचा दावा करणार असल्याचे म्हटले होते. तर आतिशी यांनी या प्रकरणी दिल्ली महिला आयोगाकडे तक्रार केली आहे.

या प्रकरणी आपने भाजपा आणि गौतम गंभीरविरोधात नोटीस बजावली आहे. यामध्ये येत्या 24 तासांत लेखी माफी मागावी आणि त्या पत्रकातील मजकुराबाबत खरे, योग्य बाबी वृत्तपत्रामध्ये प्रसिद्ध कराव्यात असे सांगितले आहे. 

'Derogatory' remarks pamphlet against AAP's Atishi: AAP sends legal notice to BJP & its East Delhi candidate Gautam Gambhir. AAP has immediately sought an apology from them in writing & asked them to publish the same 'along with true & correct facts' in newspapers, within 24 hrs.

— ANI (@ANI) May 10, 2019

या आरोपांवर गंभीरने टोकाचे पाऊल उचलले असून आतिशी यांच्याबाबत मी जर असा प्रकार केला हे जर केजरीवाल आणि आपने सिद्ध केल्यास लोकांच्यासमोर स्वत:ला फाशी लावून घेणार असल्याचे ट्विट त्याने केले आहे. तसेच जर केजरीवाल अपयशी ठरले तर त्यांनी राजकारण सोडावे, असे आव्हानही दिले आहे. 

Challenger Number 3 to @ArvindKejriwal and @aap. If he can prove that I have anything to do with this pamphlet filth, then I will hang myself in public. Otherwise @ArvindKejriwal should quit politics. Accepted?

— Chowkidar Gautam Gambhir (@GautamGambhir) May 10, 2019