मुकणे योजनेच्या कामाला जलसाठ्याचा अडसर

By लोकमत न्यूज नेटवर्क | Published: January 23, 2018 12:58 AM2018-01-23T00:58:01+5:302018-01-23T00:58:27+5:30

महापालिकेमार्फत जेएनएनयूआरएम योजनेंतर्गत मुकणे धरण पाणीपुरवठा योजनेचे काम सुरू असून, आतापर्यंत ६९ टक्के काम झाले आहे. परंतु, धरण जलाशयातील हेडवर्क्सची कामे बंद पडलेली आहेत. धरणात सुमारे ९५ टक्के जलसाठा असल्याने कामांमध्ये अडथळा निर्माण झाला आहे. आयुक्त अभिषेक कृष्ण यांनी सोमवारी (दि.२२) योजनेच्या कामांची पाहणी करून धरणातील पाण्याचे आवर्तन लवकरात लवकर सोडण्यासाठी जिल्हाधिकारी कार्यालय व पाटबंधारे विभागाकडे पाठपुरावा करण्याच्या सूचना संबंधित अधिकाºयांना दिल्या.

Water deficit disaster management scheme | मुकणे योजनेच्या कामाला जलसाठ्याचा अडसर

मुकणे योजनेच्या कामाला जलसाठ्याचा अडसर

googlenewsNext

नाशिक : महापालिकेमार्फत जेएनएनयूआरएम योजनेंतर्गत मुकणे धरण पाणीपुरवठा योजनेचे काम सुरू असून, आतापर्यंत ६९ टक्के काम झाले आहे. परंतु, धरण जलाशयातील हेडवर्क्सची कामे बंद पडलेली आहेत. धरणात सुमारे ९५ टक्के जलसाठा असल्याने कामांमध्ये अडथळा निर्माण झाला आहे. आयुक्त अभिषेक कृष्ण यांनी सोमवारी (दि.२२) योजनेच्या कामांची पाहणी करून धरणातील पाण्याचे आवर्तन लवकरात लवकर सोडण्यासाठी जिल्हाधिकारी कार्यालय व पाटबंधारे विभागाकडे पाठपुरावा करण्याच्या सूचना संबंधित अधिकाºयांना दिल्या.  आयुक्तांनी मुकणे धरण जलाशय येथील हेडवर्क्सच्या कामांची पाहणी केली. मागील वर्षी झालेल्या पावसामुळे मुकणे धरणात सुमारे ९५ टक्के इतका जलसाठा झालेला असून, मागील १० वर्षांत धरण एवढ्या मोठ्या प्रमाणात भरले आहे. धरणातील जलसाठ्यामुळे जलाशयातील हेडवर्क्सची कामे बंद झालेली आहेत. सद्यस्थितीत हेडवर्क्सचे काम ५८ टक्के इतकेच झालेले आहे. धरणातील पाण्याची पातळी कमी झाल्याशिवाय हेडवर्क्सची उर्वरित कामे सुरू करता येणार नाही आणि कामाची मुदत जुलै २०१८ पर्यंत आहे. मागील दोन वर्षांत हेडवर्क्सचे काम करण्यास अवघ्या सहा महिन्यांचा कालावधी मिळालेला आहे. त्यामुळे धरणातील पाण्याची पातळी लवकरात लवकर कमी करून मिळण्यासाठी आवर्तन लवकर सोडण्यासाठी जिल्हाधिकारी आणि पाटबंधारे विभागाकडे पाठपुरावा करण्याची सूचना आयुक्तांनी पाणीपुरवठा विभागाचे कार्यकारी अभियंता शिवाजी चव्हाणके यांना केली. त्यानंतर, आयुक्तांनी मुंबई महामार्गालगत सुरू असलेल्या पाइपलाइनच्या कामाचीही पाहणी केली.  राजूरफाटा, वाडीवºहे, रायगडनगर, जैन मंदिर या भागात सुरू असलेल्या कामांची पाहणी करण्यात आली. आतापर्यंत १६ कि.मी.पैकी ११ कि.मी. काम पूर्ण झाल्याचे सांगण्यात आले.  सदर पाइपलाइन ही मुकणे धरणातील हेडवर्क्सपासून ते पाथर्डी जलशुद्धीकरण केंद्रापर्यंत टाकण्यात येत आहे. उर्वरित कामेही तातडीने मुदतीत पूर्ण करण्याच्या सूचना आयुक्तांनी दिल्या.

Web Title: Water deficit disaster management scheme

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.