मानोरीच्या ग्रामसभेकडे ग्रामस्थांनी फिरविली पाठ

उदासिनता : विविध कामांची माहिती सादर

ठळक मुद्देशौचालय अनुदान मिळालेल्या नागरिकांची माहिती बाबासाहेब तिपायले यांनी ग्रामसभेत मांडण्यास सांगितलेउघड्यावर शौचास जाणा-यांवर दंडात्मक कारवाई करण्याची मागणी

मानोरी : येथील हनुमान मंदिरात मंगळवारी (दि.२१) ग्रामसभा पार पडली. या ग्रामसभेला मात्र ग्रामस्थांनी पाठ फिरविल्याचे दिसून आले. दरम्यान,ग्रामपंचायतीने केलेल्या विविध प्रकारच्या कामांची माहिती ग्रामसेवक बाळासाहेब कुशारे यांनी यावेळी दिली.
ग्रामपंचायतीने १४ व्या वित्त आयोगाचा निधी कोणत्या कामासाठी आणि किती खर्च केला,शौचालय बांधण्यापासून किती नागरिक शिल्लक असून शौचालय अनुदान मिळालेल्या नागरिकांची माहिती बाबासाहेब तिपायले यांनी ग्रामसभेत मांडण्यास सांगितले. तसेच पावसाळ्यात खड्डयात साचणाऱ्या पाण्यामुळे रोगराई पसरू नये यासाठी ग्रामपंचायतीने मुरूम टाकावा अशीही सूचना करण्यात आली. शौचालय अनुदानाचा ज्या लाभार्थ्यांनी लाभ घेतला मात्र, तरीही उघड्यावर शौचास जाणा-यांवर दंडात्मक कारवाई करण्याची मागणी ग्रामस्थांनी केली. घरपट्टी, पाणीपट्टी वेळेत भरण्याचे आवाहन ग्रामसेवकांनी केले.यावेळी ग्रामसेवक बाळासाहेब कुशारे, ग्रामपंचायतीचे सदस्य पोपट शेळके,गरु ड गाडेकर, सेवा संस्थेचे अध्यक्ष नंदाराम शेळके, बाबासाहेब तिपायले,बद्रीनाथ शेळके, शिवसेना ग्राहक संरक्षण कक्षाचे उपजिल्हाप्रमुख सुनील शेळके, मधुकर शेळके, विठ्ठल वावधाने, मुख्याध्यापक अगरचंद शिंदे,पंढरीनाथ शेळजे,राजू शेळके,शांताराम शेळके,दत्तात्रेय शेळके,साहेबराव शेळके आदी ग्रामस्थ उपस्थित होते.