सोशल मीडियातून शांततेचे आवाहन

By लोकमत न्यूज नेटवर्क on Thu, January 04, 2018 12:25am

नाशिक : हिंसाचाराचे प्रकार रोखण्यासाठी नेटिझन्सने सोशल मीडियातून महत्त्वाची भूमिका पार पाडली. राज्यभरात गेल्या तीन दिवसांपासून कलुषित झालेले वातावरण व जातीय तेढ कमी करण्यासाठी बुधवारी सोशल मीडियातून अनेकांनी क्रांतिज्योती सावित्रीबाई फुले यांचे स्मरण करून सामाजिक एकात्मतेचा संदेश दिला, तर अनेकांनी इंग्रजांची ‘तोडा आणि राज्य करा’ या नीतीची आठवण करून देत जातिभेद निर्माण करणाºयांचे आत्मभान जागविण्याचा प्रयत्न केला.

नाशिक : हिंसाचाराचे प्रकार रोखण्यासाठी नेटिझन्सने सोशल मीडियातून महत्त्वाची भूमिका पार पाडली. राज्यभरात गेल्या तीन दिवसांपासून कलुषित झालेले वातावरण व जातीय तेढ कमी करण्यासाठी बुधवारी सोशल मीडियातून अनेकांनी क्रांतिज्योती सावित्रीबाई फुले यांचे स्मरण करून सामाजिक एकात्मतेचा संदेश दिला, तर अनेकांनी इंग्रजांची ‘तोडा आणि राज्य करा’ या नीतीची आठवण करून देत जातिभेद निर्माण करणाºयांचे आत्मभान जागविण्याचा प्रयत्न केला. समाजात जातिभेद निर्माण करणाºयांचे आत्मभान जागविण्यासाठी नेटिझन्सनी बुधवारी सावित्रीबाई फुले यांच्या जयंतीची आठवण करून दिली. क्रांतिज्योती सावित्रीबाई फुले यांनी जीवनभर जातिभेद व सामाजिक रूढी-परंपरांना झुगारून महिला शिक्षणासाठी प्रयत्न केले. वंचित व दुर्लक्षित घटकांपर्यंत शिक्षणाचा प्रवाह पोहोचविला. त्यांच्या जयंतीच्या दिवशीच शाळा बंद असल्याची आठवण करून देत जातीय तेढ संपविण्याचे आवाहन अनेकांनी सोशल मीडियातून केले, तर इंग्रजांनी भारतात जातिभेदाची बीजे पेरून सामाजिक तेढ निर्माण केली व तोडा व राज्य करा या नीतीने भारताला गुलाम बनविले. इंग्रजांनी केलेल्या जातीय भेदाभेदाच्या विषमय पेरणीचे परिणाम आजही देशाला भोगावे लागत आहेत. जातीय भेद व सामाजिक तेढ यामुळे कोणतीही जात विजयी होणार नाही, तर इंग्रज व त्यांची फोडाफोडीची रणनीतीच विजयी होईल, अशी चपराकही नेटिझन्सनी जातीय भेदाभेद पसरविणाºया समाजकंटकांना लगावली आहे. त्याचप्रमाणे डॉ. बाबासाहेब आंबेडकर यांनी देशाला दिलेल्या संविधानाचा सर्वांनीच आदर करून एकदिलाने नांदण्याचे आवाहनही सोशल मीडियातून अनेकांनी केले आहे, तर काहींनी केवळ शांतता राखा आपण सर्व एक आहोत, असे आवाहन करणारे संदेश सोशल मीडियातून व्हायरल केले.

संबंधित

भूमिका चावला यांच्या मातोश्रींचे ह्रदयविकाराने निधन
मुंबईचा दूध पुरवठा बंद होणार नाही - महादेव जानकर
बनावट नोटांद्वारे अर्थव्यवस्था खिळखिळी करणाऱ्या दोघांना जन्मठेप
खून करणाऱ्या चौघांना जन्मठेप
नाशिक शिक्षक मतदारसंघ मतमोजणीत शिवसेना उमेदवार किशोर दराडे आघाडीवर

नाशिक कडून आणखी

बिबट्याच्या हल्ल्यात नऊ मेंढ्या ठार
दुधाचे आंदोलन पेटण्याचे संकेत
उसनवार पैशातून जेलरोडला एकास जबर मारहाण
आडगावला दुचाकीच्या धडकेत पादचारी ठार
पोलीस बंदोबस्तात मुंबईला दूधपुरवठा

आणखी वाचा