पारा १०.६ अंशावर : नाशिककरांना थंडीच्या तीव्रतेपासून काहीसा दिलासा

By लोकमत न्यूज नेटवर्क on Wed, January 03, 2018 9:00pm

शहरात शनिवारी ८.८, रविवारी ९.२ तर सोमवारी ९.४ इतके किमान तपमान शहरामध्ये पेठरोडवरील हवामान निरीक्षण केंद्राने नोंदविले आहे. दरम्यान, मंगळवारी पुन्हा पारा घसरल्याने थंडीची तीव्रता वाढल्याचा अनुभव नागरिकांना आला होता.

नाशिक : शहराच्या किमान तपमानात बुधवारी (दि.३) पुन्हा वाढ झाली. तपमान १०.६ अंश इतके नोंदविले गेल्याने थंडीचा कडाका कमी झाल्याचे नाशिककरांना जाणवले. बुधवारी संध्याकाळीदेखील हवेत फारसा गारवा निर्माण झाल्याचे जाणवले नाही. मागील दोन दिवसांपासून शहराच्या किमान तपमानात वाढ होऊ लागली होती; मात्र अचानकपणे लहरी निसर्गाने रूप बदलले असून, मंगळवारी तपमान पुन्हा कमी होऊन पारा ८.२ अंशांपर्यंत घसरला; मात्र बुधवारी थेट दोन अंशांनी पारा वर सरकल्याने नाशिककरांना कडाक्याच्या थंडीपासून काहीसा दिलासा मिळाला. पंधरवड्यापासून नाशिकचे किमान तपमान १० अंशाच्या खाली राहत असल्यामुळे नाशिककरांना हुडहुडी भरली होती. बुधवारी प्रथमच तपमानाचा पारा १० अंशाच्या पुढे सरकल्याने नाशिककरांना बोच-या थंडीपासून काहीसा आधार मिळाला. शहरात शनिवारी ८.८, रविवारी ९.२ तर सोमवारी ९.४ इतके किमान तपमान शहरामध्ये पेठरोडवरील हवामान निरीक्षण केंद्राने नोंदविले आहे. दरम्यान, मंगळवारी पुन्हा पारा घसरल्याने थंडीची तीव्रता वाढल्याचा अनुभव नागरिकांना आला होता. संध्याकाळी घराबाहेर पडलेल्या नागरिकांनी थंडीपासून बचाव करण्यासाठी उबदार कपड्यांनी स्वत:ला बंदिस्त क रून घेतल्याचे दिसून आले. पहाटेही थंडी मोठ्या प्रमाणात जाणवत होती. सकाळी अकरा वाजेपर्यंत हवेत गारवा कायम होता; मात्र बुधवारी याविरुध्द स्थितीचा अनुभव नागरिकांनी घेतला. पारा अचानकपणे एका दिवसात दोन अंशांनी वाढ झाल्याने थंडीची तीव्रता कमी झाली. डिसेंबरअखेर थंडीने नाशिकक रांना तीव्र तडाखा दिला होता. कडाक्याच्या थंडीने नाशिककरांना हुडडुडी भरली होती. हंगामातील नीचांकी ७.६ अंश इतकी किमान तपमानाची नोंद २९ डिसेंबरला झाली होती.

संबंधित

पावसाअभावी रब्बी हंगाम धोक्यात
प्रतीक्षा : नाशिकच्या 'ट्रान्झिट ट्रिटमेंट सेंटर’ला हवा नागपूरचा ‘ग्रीन सिग्नल’
बोकडबळी प्रथेच्या जागेवरून गडावर तणाव
अंध बांधवांना धान्य; तर पाल्यांना आर्थिक मदत
शहरात सुमारे नऊशे ठिकाणी पिकअप शेडचे नियोजन

नाशिक कडून आणखी

धम्मचक्र प्रवर्तनदिनी बुद्ध स्मारक गजबजले
नॅबच्या वतीने दृष्टिहीन मुलांसाठी शिक्षकांचे प्रशिक्षण
भाजपाच्या जाहिरातीतून दोघा आमदारांचा पत्ता कट
भारनियमन रद्दची मागणी
मनपा शाळेस आग लागते तेव्हा..

आणखी वाचा