चिचोंडी औद्योगिक वसाहतीची भुजबळांकडुन पाहणी

जळगाव नेऊर : महाराष्ट्र राज्याचे माजी उपमुख्यमंत्री व आमदार छगन भुजबळ यांनी चिचोंडी,ता.येवला येथे महाराष्ट्र औद्योगिक विकास महामंडळ येथील पाणीपुरवठा योजनेची पाहणी केली व प्रकल्पाबाबत अधिक माहिती जाणून घेऊन अधिकार्यांना योग्य त्या सूचना केल्या. येथील औदयोगिक वसाहतीच्या कामकाजाची पाहणी करु न विजेच्या, ग्रामस्थांच्या समस्या जाणून घेतल्या. येथील कामकाजाच्या समस्या व अधिकाऱ्यांना लवकरात लवकर कामे पूर्ण करण्याचे आदेश दिले .यावेळी माणिकराव शिंदे, संजय बनकर, दीपक लोणारी, साहेबराव मढवाई, वसंत पवार,बाबु कासलीवाल, सरपंच मनिषा मढवाई, सोमनाथ मोरे व ग्रामस्थ उपस्थित होते. सारिका मढवाई,
ज्ञानेश्वर मढवई, महेश मढवई उपस्थित होते.