महाराष्टचे मुख्यमंत्री कोण... देवेंद्र फडण दोन शून्य..!

By लोकमत न्यूज नेटवर्क | Published: June 20, 2019 01:14 AM2019-06-20T01:14:26+5:302019-06-20T01:14:58+5:30

महाराष्टचे मुख्यमंत्री कोण? फडण दोन शून्य... मी तुझ्यासारखे पाच-सहा पाहिलेत... म्हणजेच छपन्न बघितलेत... दुसरीच्या गणिताच्या पुस्तकातील क्रांतिकारी बदलावरून सोशल मीडियावर खिल्ली उडवली जात असून, नेटकऱ्यांनी हा विषय गांभीर्याने न घेता हास्यास्पद असल्याची टीकादेखील केली आहे.

 The Chief Minister of Maharashtra ... Devendra Phadan, two zero ..! | महाराष्टचे मुख्यमंत्री कोण... देवेंद्र फडण दोन शून्य..!

महाराष्टचे मुख्यमंत्री कोण... देवेंद्र फडण दोन शून्य..!

Next

नाशिक : महाराष्टचे मुख्यमंत्री कोण? फडण दोन शून्य... मी तुझ्यासारखे पाच-सहा पाहिलेत... म्हणजेच छपन्न बघितलेत... दुसरीच्या गणिताच्या पुस्तकातील क्रांतिकारी बदलावरून सोशल मीडियावर खिल्ली उडवली जात असून, नेटकऱ्यांनी हा विषय गांभीर्याने न घेता हास्यास्पद असल्याची टीकादेखील केली आहे.
शालेय शिक्षणक्रमात बहुसंख्य विद्यार्थ्यांना अवघड वाटणारा विषय म्हणजे गणित होय. गणिताची ही भीती घालविण्यासाठी शासन स्तरावर अनेक उपाय यापूर्वी केले गेले आहेत. मात्र बालभारतीने यंदाच्या शैक्षणिक वर्षापासून गणित संख्या वाचनासाठी केलेला प्रयोग मात्र टीकेला कारण ठरला आहे. बत्तीस न म्हणता तीस आणि दोन, एकसष्ट ऐवजी साठ आणि एक, एकाहत्तर ऐवजी सत्तर आणि एक अशाप्रकारे उच्चार करण्याचे धडे देण्यात येणार आहे. शिक्षणतज्ज्ञांमध्ये याविषयी दोन प्रवाह असले तरी बहुतांशी तज्ज्ञ आणि नागरिकांना हा विषय पटलेला नाही. अनेक पिढ्यांपासून अशाच प्रकारे गणित शिकवले जात असताना आता असे सुलभ संख्यावाचन करण्याच्या नावाखाली गोंधळ घातला जात असून, त्यामुळे मुलांची संभ्रमावस्था अधिक वाढणार आहे. अर्थात, हा तज्ज्ञांच्या गांभीर्याचा विषय असला तरी सोशल मीडियावर बालभारतीच्या या निर्णयाची खिल्ली उडवली जात आहे.
शिक्षिका - महाराष्टÑाचे मुख्यमंत्री कोण?
बंटी - देवेंद्र फडण दोन शून्य
त्याचप्रमाणे
शिक्षिका - पाणी कोणी चोरलं?
बंटी - एक दोन मतीच्या साहेबांनी...
अशी बारामतीची खिल्ली उडविण्यात आली आहे.
सामान्य भाषेत बोलताना काय गोंधळ उडेल, याबाबतदेखील किस्सा व्हायरल होत आहे.
ती (चिडून) - अरे जा... तू काय समजतोस स्वत:ला? मी तुझ्या सारखे पाच- सहा बघितले...
तो (आश्चर्याने) - पाच- सहा?
त्याचा मित्र- अरे तिला छपन्न म्हणायचंय... ती नवीन सिलॅबसवाली आहे.

Web Title:  The Chief Minister of Maharashtra ... Devendra Phadan, two zero ..!

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.