कोकणी समाज मेळाव्यात सिंचन, कृषीवर मार्गदर्शन

नंदुरबार : कोकणी-कोकणा व कुकणा समाजाच्या मेळाव्यात कृषी, सिंचन व पाणी बचत या विषयांवर तज्ज्ञांनी मार्गदर्शन केले. अध्यक्षस्थानी कोल्हापूर विभागाचे उपायुक्त यशवंत पवार होते.
कोकणी समाज राज्यासह गुजरात व दादर-नगरहवेली या भागात रहिवासी आहे. समाजाने एकत्र यावे यासाठी या मेळाव्याचे आयोजन वाघाळे येथे करण्यात आले होते. यावेळी यशवंत पवार, संघटक डॉ.प्रभाकर पवार, तहसीलदार रामचंद्र पवार, सहसचिव प्रभाकर पवार, सरपंच संतूभाई पवार यांच्यासह मान्यवर उपस्थित होते. जल, जमीन, जंगल, पशुधन या पंचसूत्रीतून आदिवासी समाजाचा विकास शक्य असून या साऱ्यांच्या रक्षणासाठी व संवर्धनासाठी समाजाने पुन्हा एकदा पुढाकार घेऊन आपल्या पारंपारिक वारसा स्विकार करावा अशा प्रकारचे आवाहन सामाजिक कार्यकर्ते चैत्राम पवार यांनी केले.
पाणी फाऊंडेशनचे सुखदेव भोसले यांनी वॉटर कप स्पर्धेत सहभागी होण्यासाठी समाजाने पुढे येण्याचे आवाहन केले. डॉ.हरिश्चंद्र कोकणी व प्रा.रंगनाथ बागुल यांनी आरोग्याचे महत्त्व स्पष्ट केले. प्रा.सुमनकुममार व किशोर चौरे यांनी सममाजाने शिक्षणासाठी पुढाकार घेण्याचे आवाहन केले. तालुका कृषी अधिकारी नरेंद्र महाले यांनी शेतकºयांच्या योजनांची माहिती दिली. रमेश पवार, संतूभाई पवार, भास्कर पवार, शांताराम गावीत यांनी समाज विकासाबाबत माहिती दिली.
यावेळी गुणवंत विद्यार्थ्यांचाही सन्मान करण्यात आला. आरोग्य तपासणीही करण्यात आली. सूत्रसंचलन प्रा.सुलतान पवार व छोटू पवार यांनी केले. वाघाळे येथील ग्रामस्थांनी संयोजन केले.