नागपुरात कोळशाने भरलेल्या वॅगनला आग लागल्यामुळे खळबळ

प्लॅटफार्म क्रमांक ८ शेजारील लूप लाईनवर उभ्या असलेल्या कोळशाने भरलेल्या मालगाडीच्या एका वॅगनला सोमवारी दुपारी २ वाजता आग लागल्यामुळे एकच खळबळ उडाली. वेळीच रेल्वे कर्मचाऱ्यांनी ही आग विझवल्यामुळे अनर्थ टळला.

ठळक मुद्देरेल्वेस्थानकावरील घटना : वेळीच आग विझविल्याने अनर्थ टळला

लोकमत न्यूज नेटवर्क
नागपूर : प्लॅटफार्म क्रमांक ८ शेजारील लूप लाईनवर उभ्या असलेल्या कोळशाने भरलेल्या मालगाडीच्या एका वॅगनला सोमवारी दुपारी २ वाजता आग लागल्यामुळे एकच खळबळ उडाली. वेळीच रेल्वे कर्मचाऱ्यांनी ही आग विझवल्यामुळे अनर्थ टळला.
पूर्वेकडील होम प्लॅटफॉर्म क्रमांक ८ च्या शेजारी असलेल्या लूप लाईनवर एक कोळशाने भरलेली मालगाडी उभी होती. सोमवारी दुपारी २ वाजता या मालगाडीच्या एका वॅगनमधील कोळशातून आगीच्या ठिणग्या आणि धूर निघताना दिसला. लागलीच रेल्वेस्थानकावरील कर्मचाऱ्यांनी या वॅगनवर पाणी मारून लागलेल्या आगीवर नियंत्रण मिळविले. दरम्यान प्लॅटफॉर्म क्रमांक ८ वरून रेल्वेगाड्यांचे आवागमन सुरू होते. त्वरित उपाययोजना केल्यामुळे मोठी हानी टळली. आग विझविल्यानंतर मालगाडीपासून आग लागलेली वॅगन रुळावरून काढून यार्डात पाठविण्यात आली.