Nagpur Lok Sabha election result 2019; Nagpur-Ramtek's decision will be held today | नागपूर लोकसभा निवडणूक निकाल २०१९; आज होणार नागपूर-रामटेकचा फैसला
नागपूर लोकसभा निवडणूक निकाल २०१९; आज होणार नागपूर-रामटेकचा फैसला

ठळक मुद्देकोण होणार सिकंदर; गडकरी की पटोले, तुमाने की गजभिये ?सर्वच पक्ष आशावादी कार्यकर्त्यांप्रमाणेच जनतेमध्येदेखील उत्सुकता

लोकमत न्यूज नेटवर्क
नागपूर : लोकसभा निवडणुकांचे बहुप्रतिक्षित निकाल गुरुवारी जाहीर होणार असून नागपूररामटेक लोकसभा मतदारसंघात मतदार राजाने नेमका कुणाला कौल दिला आहे हे स्पष्ट होणार आहे. मागील सव्वा महिन्यापासून निकालांबाबत वेगवेगळे कयास लावले जात होते. आता कुणाचे दावे खरे ठरले व कुणाचे आकडे हवेत विरले यावरून पडदा हटणार आहे. साधारणत: दुपारनंतर कल लक्षात येणार असला तरी निकालाचे अंतिम आकडे हाती यायला वेळ लागणार आहे.
विशेषत: नागपूर मतदारसंघाकडे तर संपूर्ण देशाचे लक्ष लागले आहे. एकीकडे भाजपाकडून केंद्रीय मंत्री नितीन गडकरी तर दुसरीकडे काँग्रेसचे नाना पटोले अशी येथे लढत आहे. तर दुसरीकडे रामटेकमधून विद्यमान खासदार सेनेचे कृपाल तुमाने व काँग्रेसचे किशोर गजभिये यांच्यात थेट सामना आहे. वृत्तवाहिन्यांवरील ‘एक्झिट पोल्स’नंतर नागपूर-रामटेकचा गड युती राखणार की आघाडी अनपेक्षित धक्का देणार याबाबतची उत्सुकता वाढली आहे.
कळमना मार्केट यार्डमध्ये गुरुवारी सकाळी ८ वाजल्यापासून मतमोजणीला सुरुवात होईल व साधारणत: दुपारपर्यंत कलाचे चित्र स्पष्ट होईल. निवडणुकीत नागपूर लोकसभा मतदारसंघातून ३० उमेदवार नशीब अजमावत असून त्यात नितीन गडकरी, नाना पटोले यांच्यासह बसपाचे मोहम्मद जमाल, वंचित बहुजन आघाडीचे मनोहर ऊर्फ सागर डबरासे, ‘बीआरएसपी’चे अ‍ॅड.सुरेश माने हेदेखील रिंगणात आहेत. निवडणुकांच्या तारखेची घोषणा होण्याअगोदरच नागपूरचे राजकीय वातावरण तापले होते. प्रचारादरम्यान विविध पक्षाच्या नेत्यांनीदेखील नागपुरात उपस्थिती लावून जाहीर सभांच्या माध्यमातून मतदारांना साद घातली. ११ एप्रिल रोजी नागपूर लोकसभा मतदारसंघातील २ हजार ६५ मतदानकेंद्रांवर ५४.७४ टक्के मतदारांनी मतदान केले होते. आता मतदारांनी आपली पसंती कुणाला दिली आहे व विजयाची माळ कुणाच्या गळ््यात पडणार यावरून गुरुवारी पडदा उठणार आहे. दरम्यान, मतमोजणीसाठी प्रशासनाची जय्यत तयारी झाली असून पोलिसांचादेखील कडेकोट बंदोबस्त ठेवण्यात आला आहे.

नागपूर लोकसभा
एकूण उमेदवार ३०
एकूण मतदार २१,६०,२३२
झालेले मतदान ११,८२,५०७
टक्केवारी ५४.७४ %

प्रमुख उमेदवार
नितीन गडकरी (भाजप)
नाना पटोले (काँग्रेस)
मोहम्मद जमाल (बसपा)
सागर डबरासे (वंचित बहुजन आघाडी)

 

English summary :
Baramati election result 2019 Live update In Marathi: Find party wise and constituency wise result with winner. Also check live vote counting and runner up candidate. For more latest election news in marathi must visit lokmat.com.


Web Title: Nagpur Lok Sabha election result 2019; Nagpur-Ramtek's decision will be held today
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.

नागपूर अधिक बातम्या

एमबीबीएसमध्ये खुल्या प्रवर्गासाठी जागा वाढवा

एमबीबीएसमध्ये खुल्या प्रवर्गासाठी जागा वाढवा

13 hours ago

पाण्यासाठी हाहाकार :अनेक ठिकाणी केवळ तासभरच नळ 

पाण्यासाठी हाहाकार :अनेक ठिकाणी केवळ तासभरच नळ 

17 hours ago

नागपुरात पाण्यासाठी राष्ट्रवादी काँग्रेसचा हल्लाबोल 

नागपुरात पाण्यासाठी राष्ट्रवादी काँग्रेसचा हल्लाबोल 

17 hours ago

सहप्रवाशाच्या मृत्यूनंतर ‘त्यांनी’ही सोडला प्राण

सहप्रवाशाच्या मृत्यूनंतर ‘त्यांनी’ही सोडला प्राण

18 hours ago

जीवनमरणाच्या लढाईत अखेर जंगली कबुतर जिंकले

जीवनमरणाच्या लढाईत अखेर जंगली कबुतर जिंकले

18 hours ago

अखेर नागपूर जिल्हा परिषद प्रशासकाच्या हातात

अखेर नागपूर जिल्हा परिषद प्रशासकाच्या हातात

18 hours ago