डॉ. वेदप्रकाश मिश्रा यांची दिवाणी न्यायालयात धाव

By लोकमत न्यूज नेटवर्क | Published: January 17, 2018 11:46 PM2018-01-17T23:46:07+5:302018-01-17T23:47:44+5:30

गांधी विचारधारा स्नातकोत्तर पदविका अभ्यासक्रमात वाङ्मय चौर्यकर्म केल्याचा आरोप असणारे डॉ. वेदप्रकाश मिश्रा यांनी या प्रकरणात तांत्रिक कारणांमुळे खारीज झालेला दावा पुनरुज्जीवित करण्यासाठी वरिष्ठस्तर दिवाणी न्यायालयात अर्ज दाखल केला आहे. न्यायालयाने राष्ट्रसंत तुकडोजी महाराज नागपूर विद्यापीठाला नोटीस बजावून, यावर उत्तर सादर करण्यासाठी १५ फेब्रुवारीपर्यंत वेळ दिला आहे.

Dr. Ved Prakash Mishra filed plea in the civil court | डॉ. वेदप्रकाश मिश्रा यांची दिवाणी न्यायालयात धाव

डॉ. वेदप्रकाश मिश्रा यांची दिवाणी न्यायालयात धाव

googlenewsNext
ठळक मुद्देवाङ्मय चौर्य प्रकरण : नागपूर विद्यापीठाला नोटीस

लोकमत न्यूज नेटवर्क
नागपूर : गांधी विचारधारा स्नातकोत्तर पदविका अभ्यासक्रमात वाङ्मय चौर्यकर्म केल्याचा आरोप असणारे डॉ. वेदप्रकाश मिश्रा यांनी या प्रकरणात तांत्रिक कारणांमुळे खारीज झालेला दावा पुनरुज्जीवित करण्यासाठी वरिष्ठस्तर दिवाणी न्यायालयात अर्ज दाखल केला आहे. न्यायालयाने राष्ट्रसंत तुकडोजी महाराज नागपूर विद्यापीठाला नोटीस बजावून, यावर उत्तर सादर करण्यासाठी १५ फेब्रुवारीपर्यंत वेळ दिला आहे.
डॉ. मिश्रा सध्या कराड येथील कृष्णा इन्स्टिट्यूट आॅफ मेडिकल सायन्सचे कुलपती आहेत. त्यांनी नागपूर विद्यापीठातील विविध प्राधिकरणांवर तब्बल ४० वर्षे कार्य केले आहे. त्यांनी १९६९ मध्ये प्रकाशित आर. व्ही. राव यांच्या पुस्तकांतून उचलेगिरी करून गांधी विचारधारा पदविका अभ्यासक्रमातील शोधप्रबंध तयार केला, असा आरोप तत्कालीन सिनेट सदस्य डॉ. रामभाऊ तुपकरी यांनी केला होता. आरोपाच्या चौकशीकरिता न्यायमूर्ती रत्नपारखी यांच्या अध्यक्षतेखाली चौकशी समिती स्थापन करण्यात आली होती. समितीने जुलै-१९९२ मध्ये अहवाल सादर करून मिश्रा यांच्यावर चौर्यकर्माचा ठपका ठेवला होता. त्यानंतर विद्यापीठाच्या कार्यकारिणीने १९ आॅक्टोबर १९९२ रोजीच्या बैठकीत अहवाल मंजूर करून, मिश्रा यांच्यावर समितीच्या शिफारशीनुसार कारवाई करण्याचा निर्णय घेतला. त्याविरुद्ध मिश्रा यांनी वरिष्ठस्तर दिवाणी न्यायालयात दावा दाखल केला होता. २२ आॅक्टोबर १९९२ रोजी दिवाणी न्यायालयाने या प्रकरणात यथास्थिती ठेवण्याचा अंतरिम आदेश दिला होता. त्यामुळे २०१३ पर्यंत मिश्रा यांच्यावर कोणतीच कारवाई करता आली नाही. दरम्यान, न्यायालयाने २२ नोव्हेंबर २०१३ रोजी तांत्रिक कारणामुळे मिश्रा यांचा दावा फेटाळून लावला; परंतु नागपूर विद्यापीठाने त्यावर पुढे काहीच केले नाही. हे प्रकरण आता नव्याने चर्चेत आल्यामुळे व विद्यापीठाने कारणे दाखवा नोटीस बजावल्यामुळे मिश्रा यांनी संबंधित दावा पुनरुज्जीवित करण्यासाठी दिवाणी न्यायालयात धाव घेतली आहे. मिश्रा यांच्यातर्फे अ‍ॅड. घरोटे तर, नागपूर विद्यापीठातर्फे अ‍ॅड. अनिश कठाणे यांनी कामकाज पाहिले.

Web Title: Dr. Ved Prakash Mishra filed plea in the civil court

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.