... तर महाराष्ट्रसैनिक रक्त देतील, निष्पापांना रक्तबंबाळ करू नका - राज ठाकरे

मुंबईतील खड्डेयुक्त रस्त्यांविरोधात महाराष्ट्र नवनिर्माण सेना (मनसे) आक्रमक भूमिका स्वीकारली आहे.

मुंबई : मुंबईतील खड्डेयुक्त रस्त्यांविरोधात महाराष्ट्र नवनिर्माण सेना (मनसे) आक्रमक भूमिका स्वीकारली आहे. मुंबईसह राज्यातील रस्त्यांच्या दुर्दशेकडे सरकारचे लक्ष वेधण्यासाठी सोमवारी मध्यरात्री मनसेच्या कार्यकर्त्यांनी थेट मंत्रालयाबाहेरील रस्ता खोदला.
दरम्यान, खड्डेयुक्त रस्त्यांविरोधात मनसे कार्यकर्त्यांनी सुरु केलेल्या आंदोलनाला मनसे अध्यक्ष राज ठाकरे यांनी पाठिंबा दर्शविला आहे.

आज मनसे वाहतूक सेनेचे सरचिटणीस नितीन नांदगावकर यांनी पीडब्ल्यूडीच्या कार्यालयात  कार्यालयात अधिकाऱ्यांना रक्तदान केले. याबाबतची माहिती खुद्द राज ठाकरे यांनी ट्विटरच्या माध्यमातून दिली. ते म्हणाले, भ्रष्ट व्यवस्थेला रक्ताची चटक लागली असेल तर महाराष्ट्रसैनिक रक्त देतील पण निष्पाप नागरिकांना खड्डेयुक्त रस्त्यांनी रक्तबंबाळ करू नका. 

मुंबई: "भ्रष्ट व्यवस्थेला रक्ताची चटक लागली असेल तर महाराष्ट्रसैनिक रक्त देतील पण निष्पाप नागरिकांना खड्डेयुक्त रस्त्यांनी रक्तबंबाळ करू नका" असं म्हणत मनसे वाहतूक सेनेचे सरचिटणीस नितीन नांदगावकर ह्यांनी PWD कार्यालयात अधिकाऱ्यांना केलं रक्तदान. #mns#mumbai#potholespic.twitter.com/EJb6TPjDOD

— MNS Tweets (@manaseit) July 17, 2018

दरम्यान, सायन-पनवेल महामार्गावरील खड्ड्यांवरुन मनसेच्या कार्यकर्त्यांनी सोमवारी सकाळी तुर्भेतील पीडब्ल्यूडीच्या कार्यालयात खळ्ळ खट्याक आंदोलन केले.याप्रकरणी पाच मनसे कार्यकर्त्यांना अटक करण्यात आली.आंदोलन करुनदेखील खड्डे बुजवले जात नसल्याने मनसेच्या कार्यकर्त्यांनी हे पाऊल उचलल्याने पक्षाकडून सांगण्यात आले. तसेच, गोरेगावमध्येही खड्ड्यांच्या समस्येकडे लक्ष वेधण्यासाठी मनसेने महापालिकेच्या पी-दक्षिण विभाग कार्यालयावर संताप मोर्चा काढला होता. 

मुंबई: महाराष्ट्रसैनिकांचा मंत्रालयावर सर्जिकल स्ट्राईक! मा.राजसाहेबांच्या बहाद्दर महाराष्ट्रसैनिकांनी सर्वसामान्यांना रस्त्यांवरील खड्यांचा होणारा त्रास काय असतो हे झोपलेल्या मंत्र्यांना कळावे म्हणून मंत्रालय बाहेरील रस्त्याला खड्डे पाडून निष्क्रिय युती सरकारचा निषेध केला. pic.twitter.com/rCs3PCDMtD

— MNS Tweets (@manaseit) July 17, 2018

 

अक्षरश: चाळण झालेल्या रस्त्यांमूळे धोक्यात आलेल्या कल्याण-डोंबिवलीकरांच्या सुरक्षिततेसाठी निर्लज्ज सत्ताधारी व सुस्त प्रशासना विरोधात मनसेचा भव्य “चले जाव” महामोर्चा. मनसे पदाधिकारी, कार्यकर्ते तसेच खड्ड्यांमुळे झालेल्या अपघातातील जखमी आणि नागरिकांचा देखील मोठ्या प्रमाणात सहभाग. pic.twitter.com/efqXD9NTUs

— MNS Tweets (@manaseit) July 17, 2018