महाराष्ट्र सरकारची महाभेट; कर्मचाऱ्यांचा 'डीए' 3 टक्क्यांनी वाढवला!

राज्य सरकारी कर्मचा-यांसाठी दिवाळीच्या आधीच सरकारनं एक गोड बातमी दिली आहे.

मुंबई- राज्य सरकारी कर्मचा-यांना दिवाळीच्या आधीच सरकारनं एक गोड बातमी दिली आहे. राज्य सरकारी कर्मचा-यांच्या महागाई भत्त्यात 3 टक्क्यांची वाढ करण्याची आली आहे. त्यामुळे ऑक्टोबर 2018च्या पगारात कर्मचा-यांना हा वाढीव भत्ता मिळू शकतो. या महागाई भत्त्त्याचा फायदा कर्मचा-यांना पोहोचणार असून, कर्मचा-यांची दिवाळी धूमधडाक्यात साजरी होण्याची शक्यता आहे. जानेवारी 2018 ते सप्टेंबर 2018 या कालावधीतील थकबाकीबाबत स्वतंत्र आदेश निघणार असल्याची माहितीही मिळाली आहे.