LMOTY 2018: 'आवाजाची राणी' श्रेया घोषालला 'लोकमत महाराष्ट्रीयन ऑफ द इअर' सन्मान

By ऑनलाइन लोकमत on Tue, April 10, 2018 9:20pm

दिमाखदार सोहळ्यात श्रेया घोषालचा सन्मान

मुंबईः आपल्या गोड गायकीनं तमाम संगीतप्रेमींच्या मनावर अधिराज्य गाजवणारी गायिका श्रेया घोषाल हिला आज 'लोकमत महाराष्ट्रीयन ऑफ द इअर 2018' या पुरस्कारानं गौरवण्यात आलं. 'परफॉर्मिंग आर्टस' या गटात श्रेयानं बाजी मारली.  

'लोकमत महाराष्ट्रीयन ऑफ द इअर' पुरस्काराचं हे पाचवं पर्व आहे. राजकारण, समाजसेवा, कला, क्रीडा, प्रशासन, उद्योग अशा विविध विभागांमध्ये उल्लेखनीय कामगिरी करणाऱ्या शिलेदारांना हा पुरस्कार प्रदान केला जातो. मान्यवर परीक्षकांनी केलेलं मूल्यमापन आणि वाचकांचा कौल या आधारे हा विजेता निश्चित करण्यात येतो. महालक्ष्मीच्या भव्य एनएससीआय डोममध्ये सुरू असलेल्या दिमाखदार सोहळ्यात श्रेयाला सन्मानित करण्यात आलं.

श्रेया घोषालनं आपल्या आवाजानं सगळ्यांच्याच मनात घर केलं आहे. संजय लीला भन्सालीच्या 'देवदास' या चित्रपटाद्वारे बॉलीवूडमध्ये पहिलं पाऊल टाकणाऱ्या श्रेयानं 'डोला रे'च्या तालावर सगळ्यांनाच डोलवलं. त्यानंतर, मागे वळून पाहण्याचा प्रश्नच नव्हता. उलट, लोकप्रियतेची नवनवी शिखरं तिने सर केली आणि आज सर्वोत्तम गायकांच्या पंक्तीत तिनं स्थान मिळवलं आहे. केवळ बॉलीवूडमध्येच नव्हे, तर अनेक मराठी चित्रपटांमध्ये देखील एकापेक्षा एक सरस गाणी श्रेयानं गायली आहेत. सगळ्याच पठडीतील गाणी ती तितक्याच ताकदीने गाते. अनेक मानाच्या पुरस्कारांवर तिनं नाव कोरलं आहे. त्यात आता, 'लोकमत महाराष्ट्रीयन ऑफ द इअर'ची ट्रॉफीही उठून दिसतेय. 

'देवा' या चित्रपटात श्रेयाने गायलेले 'रोज रोज नव्याने' हे गाणे प्रेक्षकांना प्रचंड आवडले. या रोमँटिक गाण्यात श्रेया घोषालला सोनू निगमची साथ लाभली आहे. प्रेमाच्या श्रवणीय जगात घेऊन जाणारे हे गाणे क्षितीज पटवर्धन यांनी लिहिले असून, संगीत दिग्दर्शक अमितराज यांनी या गाण्याला चाल दिली आहे. हे गाणे प्रेमीयुगुलांसाठी तर पर्वणी ठरले आहे. या गाण्याला प्रेक्षकांची चांगलीच पसंती मिळाली असून, अंकुश चौधरी, तेजस्विनी पंडित यांच्यावर हे गाणे चित्रित करण्यात आले आहे. ‘देवा’ या चित्रपटात प्रेक्षकांना माया आणि देवाची प्रेमकथा पाहायला मिळाली होती. माया ही लेखिका तर देवा हे अतरंगी कॅरेक्टर आहे. अंकुश चौधरीने साकारलेल्या देवासारखीच मायाही अतरंगीच आहे. ती कुठलीही गोष्ट ठरवून करत नाही. ती सतत फिरतीवर असते आणि नावीन्य शोधण्याचा प्रयत्न करत असते. मायाच्या अतरंगीपणाला श्रेयाने तिच्या आवाजात लोकांसमोर आणले आहे.

संबंधित

VIDEO- मुख्यमंत्री म्हणाले, 'अमृता, तुला माझ्यावर भरवसा नाय का'?
मोदी महाराष्ट्रातील कारभारात हस्तक्षेप करत नाहीत- देवेंद्र फडणवीस
2019 च्या निवडणुकीत भाजपाला मिळणार 300+ जागा, पियुष गोयल यांचा दावा
मुख्यमंत्र्यांनी शिवसेनेवर सोडलं बाळासाहेब नावाचं ब्रह्मास्त्र
LMOTY 2018: ...तर आज उद्धव ठाकरे मुख्यमंत्री असते; मुख्यमंत्री फडणवीसांचा सेनेवर बाण

मुंबई कडून आणखी

अयोध्येतील प्रभावी भाषणासाठी उद्धव लागले कामाला; हिंदीची शिकवणी सुरू
साहेबांचं कार्टून की कार्टून साहेब?; भाजपाचा राज ठाकरेंवर निशाणा
गुंतवणुकीत महाराष्ट्र गुजरातपेक्षाही मागे
अकरावी प्रवेशाचा 'विनोद', अर्धे वर्ष सरले तरीही कॉलेजात प्रवेश सुरूच
लोकल पाहण्यास फलाटावर आलेला बालक पोलिसांमुळे सुखरूप घरी

आणखी वाचा