Fire at Matunga wedding hall | माटुंगा येथील लग्नाच्या हॉलमध्ये सिलेंडर गळती  
माटुंगा येथील लग्नाच्या हॉलमध्ये सिलेंडर गळती  

मुंबई -  माटुंगा पूर्वेकडील लक्ष्मीनारायण लेनवरील गुर्जरवाडी हा लग्नाचा हॉल आहे. आज दुपारी १२.३० वाजताच्या सुमारास लग्नाच्या हॉलमधील जेवण बनविण्याच्या ठिकाणी कॅटरिंगवाल्यांचे जेवण बनविण्याचे काम सुरु होते. त्यादरम्यान किरकोळ आगीने पेट घेतला होता. मात्र, प्रसंगावधान दाखवत सिलेंडर बंद करून ठेवण्यात आला. घटनास्थळी अग्निशमन दलाच्या २ गाड्या रवाना झाली असल्याची माहिती पालिकेकडून देण्यात आली. तसेच पोलिसांचे पथक देखील घटनास्थळी दाखल झाले आहे. सध्या अग्निशमन दलाच्या जवानांनी सिलेंडर हॉलच्या बाहेर काढून ठेवला आहे. मिळालेल्या प्राथमिक माहितीनुसार गॅस सिलेंडर गळती झाली असल्याची माहिती मिळाली आहे. 



 


Web Title: Fire at Matunga wedding hall
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.