काँग्रेस कार्यालय तोडफोड प्रकरण; मनसे नेते संदीप देशपांडे यांना अखेर जामीन

By लोकमत न्यूज नेटवर्क on Fri, December 08, 2017 4:31am

काँग्रेस कार्यालय तोडफोड प्रकरणी मनसेचे सरचिटणीस संदीप देशपांडे यांच्यासह आठही जणांना अखेर गुरुवारी जामीन मिळाल्याने त्यांनी सुटकेचा नि:श्वास सोडला

मुंबई : काँग्रेस कार्यालय तोडफोड प्रकरणी मनसेचे सरचिटणीस संदीप देशपांडे यांच्यासह आठही जणांना अखेर गुरुवारी जामीन मिळाल्याने त्यांनी सुटकेचा नि:श्वास सोडला. सलग चार दिवस त्यांनी आर्थर रोड कारागृहात काढले. १५ हजार रुपयांच्या जामिनावर त्यांची सुटका करण्यात आली आहे. मनसे कार्यकर्त्यांनी १ डिसेंबरला काँग्रेस कार्यालयाची तोडफोड केली. या प्रकरणी आझाद मैदान पोलिसांनी देशपांडे यांच्यासह संतोष धुरी, संतोष सरोदे, अभय मालप, योगेश चिल्ले, विशाल कोकणे, हरीश सोळुंकी आणि दिवाकर पडवळ यांना अटक केली. ४ डिसेंबरला त्यांना १४ दिवसांची न्यायालयीन कोठडी सुनावण्यात आली. आठही जणांविरुद्ध दाखल गुन्ह्यांमध्ये ४५२ या अजामीनपात्र कलमामुळे बुधवारी त्यांचा जामीन फेटाळण्यात आला. मात्र, गुरुवारी सत्र न्यायालयाने गुन्ह्याअंतर्गत आरोपपत्र दाखल होईपर्यंत दर आठवड्याला पोलीस ठाण्यात हजेरी लावण्याच्या अटीवर जामीन मंजूर केला. प्रत्येकी १५ हजार रुपयांच्या जामिनावर त्यांची सुटका केली आहे.

संबंधित

अनुदान वाटप प्रकरणी मनसेचे धरणे आंदोलन
‘बापू’ भूतलावर या; देश मोदीमुक्त करा; मनसेतर्फे महात्मा गांधींच्या पुतळ्यास निवेदन
राज ठाकरेंवर आक्षेपार्ह टिप्पणी करणारी तनुश्री 'बिग बॉस'मध्ये गेल्यास 'खळ्ळ-खटॅक': मनसे
भारताचा रुपया वधारून महागाई कमी होऊ दे; 200 डॉलरची माळ घालून मनसेचे साकडे
‘गुजरात वंदे’ वाहिनीवरून प्रशिक्षणाविरोधात मनविसेचे महाराष्ट्र गीतावर गरबा खेळून आंदोलन

मुंबई कडून आणखी

पालिकेच्या सीमावादामुळे ४०० कुटुंबे मेटाकुटीस
‘व्हीटीएमएस’ ठेवणार ठेकेदारांवर वॉच
व्ह्यूइंग गॅलरीत पालिकेचे बोधचिन्ह पायदळी
भाजपा कार्यालयावर राष्ट्रवादीने केले ‘गाजर फेक’ आंदोलन
५० कोटी लीटर पाण्याचा पुनर्वापर शक्य

आणखी वाचा