Chartered Plane Crashed In Mumbai: वैमानिकाच्या शौर्याला सलाम, प्रसंगावधान दाखवत वाचवले हजारोंचे प्राण

घाटकोपरमधल्या सर्वोदय रुग्णालयाजवळ चार्टर्ड विमान कोसळल्यानं एकच खळबळ उडाली आहे.

मुंबई- घाटकोपरमधल्या सर्वोदय रुग्णालयाजवळ चार्टर्ड विमान कोसळल्यानं एकच खळबळ उडाली आहे. या अपघातात महिला वैमानिकासह इतर तिघांचा मृत्यू झाला असला तरी वैमानिकाच्या प्रसंगावधानानं हजारो लोकांचे प्राण वाचले आहेत. विमानात तांत्रिक बिघाड झाल्याचं समजल्यानंतर वैमानिकानं प्रसंगावधान दाखवत गर्दीच्या ठिकाणावरून विमान जागृती इमारतीच्या बाजूला बांधकाम सुरू असलेल्या मोकळ्या ठिकाणी वळवलं आणि तिथेच ते लँडिंग करत असताना कोसळलं.

वैमानिकांना प्रशिक्षणादरम्यान अशा प्रकारचं ट्रेनिंग दिलं जातं. त्याच ट्रेनिंगच्या माध्यमातून या वैमानिकानं हजारो लोकांचे प्राण वाचवले आहेत. दुर्घटनेत दुर्दैवानं वैमानिकासह एकूण पाच जणांचा मृत्यू झाला आहे. घाटकोपर पश्चिमेकडच्या जीवदया लेनमधल्या पृथ्वी बिल्डिंगजवळ हा अपघात झाला आहे. सदरचे चार्टर्ड विमान हे जुहू येथून टेस्टिंगसाठी नेत असतानाच दुर्घटनेत एका वैमानिकासह 4 जण आणि एका पादचा-याचा मृत्यू झाल्याची माहिती मिळाली आहे.

#Mumbai chartered plane crash: 5 people, including 4 people on board, have died. More details awaited. pic.twitter.com/UIAyN9aP0e

— ANI (@ANI) June 28, 2018

अग्निशामक दलाच्या गाड्या आणि पोलीस, एनडीआरएफची टीम घटनास्थळी दाखल झाली आहे. महिला वैमानिक मारिया कुबेर, सहवैमानिक प्रदीप राजपूत, तंत्रज्ञ सुरभी आणि मनीष पांडे या चार जणांचा मृत्यू झाला. तर पादचारी गोविंद पंडित यांचाही मृत्यू झाला आहे. या भागातून विमानतळ जवळ असल्यानं प्रशिक्षणासाठी या मार्गाचा अवलंब केला जातो. तसंच चार्टर्ड विमानांचाही हा मार्ग असल्याचीही चर्चा आहे. VTUPZ किंगएअर सी 90 हे अपघातग्रस्त चार्टर्ड विमान असल्याचं समोर आलं आहे.  

Two pilots, two Aircraft Maintenance Engineers on board & one person on ground are dead in the Mumbai chartered plane crash: Directorate General of Civil Aviation

— ANI (@ANI) June 28, 2018

The chartered plane which has crashed (in Mumbai's Ghatkopar) does not belong to UP govt. The state govt had sold it to Mumbai's UY Aviation. The deal was done after the plane had met with an accident in Allahabad: Principal Secretary Information Avnish Awasthi #UttarPradesh

— ANI (@ANI) June 28, 2018

#WATCH: A chartered plane crashes near Jagruti building in Ghatkopar where a construction work was going on. #Mumbaipic.twitter.com/ACyGYymydX

— ANI (@ANI) June 28, 2018