Music director Asif Afzal visits third Marathi cinema enthusiasts | संगीत दिग्दर्शक आतीफ अफझल तिसरा मराठी सिनेमा रसिकांच्या भेटीला


'पुणे ५२' आणि 'बाजी'सारख्या चित्रपटांमुळे आपल्यासाठी खास चाहतावर्ग निर्माण केलेला आतीफ अफझल पुन्हा एकदा एका नव्या मराठी चित्रपटाच्या माध्यमातून प्रेक्षकांसमोर येत आहे. या चित्रपटाचं नाव आहे 'चरणदास चोर'. या चित्रपटातील 'चोर चोर सारे'हे थीम साँग गायले आहे आणि या गाण्याला संगीतही दिले आहे. त्याचप्रमाणे त्याने या चित्रपटाला प्रेक्षकांना खिळवून ठेवणारे पार्श्वसंगीतही दिले आहे. २२ डिसेंबर २०१७ रोजी हा चित्रपट प्रदर्शित होणार आहे.मराठी चित्रपट हा साधा-सरळ आणि वास्तवदर्शी चित्रपट असतो. 'चरणदास चोर' हा हलका फुलका सामाजिक नाट्य असलेला चित्रपट आहे. मराठी चित्रपटांमध्ये विविधता असल्यामुळे मलाही वैविध्यपूर्ण संगीत देण्याची संधी मिळते.असे आतिफ अफझल म्हणाला. 'चरणदास चोर'च्या निमित्ताने तो प्रथमच विनोदी धाटणीचे संगीत देत आहे. त्याचप्रमाणे मराठी ही आतीफ अफझलची मातृभाषा नसूनही हा त्याचा तिसरा मराठी चित्रपट आहे.भाषेचा कधीच अडथळा नसतो. मीएखाद्या चित्रपटाचं संगीत सुरू करण्याआधी दिग्दर्शकासोबत बसतो आणि कथा, पात्र व संवाद समजून घेतो. भाषा कोणतीही असो, माझी कामाची हीच पद्धत आहे. मी भावना समजून घेतो आणि त्यांना स्वरसाजांमध्ये गुंफतो अशी पुष्टी त्यांनी दिली.आतीफ अफझलचा अजून एक चित्रपट डिसेंबरमध्ये प्रदर्शित होत आहे. त्याचे नाव आहे 'मॉन्सून शूटआऊट' नवाझुद्दिन सिद्दीकीची मुख्य भूमिका असलेल्या या चित्रपटाचे दिग्दर्शन अमित कुमारने केले आहे आणि अनुराग कश्यप व दार मोशन पिक्चर्स यांनी या चित्रपटाची निर्मिती केली आहे.

‘चरणदास चोर’ या सिनेमाच्या पहिल्या टीजर पोस्टर प्रदर्शित झाल्यापासूनच चित्रपटाबाबतची उत्सुकता ताणली गेली आहे.ऋषिकेश मुखर्जी आणि बासू चटर्जी यांच्या सारख्या मार्मिक पण सहज विनोदाच्या शैलीने प्रभावित होऊन लेखक-दिग्दर्शक श्याम महेश्वरी आणि क्रीएटीव्ह दिग्दर्शक संजू होलमुखे यांनी त्याच पठडीतील पण आजच्या काळाला सुसंगत असणारा ‘चरणदास चोर’ या विनोदी चित्रपटाची निर्मिती केली आहे. श्याम महेश्वरी यांनी ‘सास भी कभी बहु थी’, ‘कसोटी जिंदगी की’, ‘पलछीन’, ‘मंथन’, ‘कहानी घर घर की’, सात फेरे’ व ‘बंधन’ पासून ते अलिकडच्या ‘जोधा अकबर’ व ‘एक दुजे के वास्ते‘ पर्यंत अनेक टीव्ही मालिकांच्या हजारो भागांचे लेखन-दिग्दर्शन केले आहे. भारतीय क्रिकेटपटू महेन्द्रसिंग धोनीच्या जीवनावर आधारीत एम. एस. धोनी या चित्रपटाच्या लेखनात सहाय्यक लेखक म्हणून काम पाहिले आहे. 
Web Title: Music director Asif Afzal visits third Marathi cinema enthusiasts
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.