Did you see the first look of Sanjay Jadhav's 'Lucky' movie? | संजय जाधवच्या 'लकी' सिनेमाचा फर्स्ट लूक तुम्ही पाहिलात का?
संजय जाधवच्या 'लकी' सिनेमाचा फर्स्ट लूक तुम्ही पाहिलात का?

ठळक मुद्दे'लकी' सिनेमा 7 फेब्रुवारी 2019 ला रिलीज होणार आहे 'लकी' सिनेमात दिप्ती सती आणि अभय महाजन मुख्य भूमिकेत आहेत.

फिल्ममेकर संजय जाधव दिग्दर्शित 'लकी' चित्रपटाचे फस्ट लूक पोस्टर नुकतेच सोशल मीडियावरून रिलीज झाले. पोस्टरमध्ये सिनेमातला  अभिनेता अभय महाजन निव्रस्त्रपणे कमरेला ट्यूब टायर लावून रस्त्यावरून धावताना दिसतोय. 

एम एस धोनी आणि फ्लाइंग जाट सारख्या सुपरहिट सिनेमाची निर्मिती करणारे बी लाइव्ह प्रोडक्शन्सचे सुरज सिंग 'लकी' सिनेमाव्दारे मराठी सिनेसृष्टीत निर्माते म्हणून पाऊल ठेवत आहे. ह्या पोस्टरबद्दल बी लाइव्ह प्रोडक्शन्सचे संचालक आणि लकी सिनेमाचे निर्माते सुरज सिंग म्हणाले, “मराठी तरूण आणि मराठी सिनेमा कात टाकतोय. आजच्या तरूणांवरचा सिनेमा असल्याने तुम्हाला असे अनेक सुखद आश्चर्याचे धक्के मिळणार आहेत. संजयदादा निखळ मनोरंजनासाठी लोकप्रिय आहेत, त्यामुळे त्यांच्या धाटणीची मनोरंजक फिल्म आम्ही तुमच्यासाठी घेऊन येतोय.”  

संजय जाधव म्हणाला, “लकी ही आजच्या तरूणाईची कथा आहे. आजचे तरूण बिनधास्त आणि स्वच्छंद आहेत. त्यांची एकमेकांशी बोलण्याची भाषा खूप मोकळी-ढाकळी आहे. ते परंपरांगत काहीच करत नाहीत. त्यामूळे लकीमध्येही तुम्हाला अशी अपारंपारिक सरप्राइजेस मिळतील.” 

अभिनेता अभय महाजन म्हणतो, “लकी ह्या तरूणाची ही एक मजेशीर कथा आहे. आणि ह्या सिनेमात मी अशा अनेक अनकन्वेशनल गोष्टी पहिल्यांदाच केल्या आहेत. दादांच्या सिनेमाचा हिरो असणं ही खूप भारी गोष्ट आहे आणि त्याहून भारी गोष्ट असते, ती म्हणजे त्या हिरोची ‘लक्षवेधी’ एंट्री “

 'बी लाइव्ह प्रोडक्शन्स' आणि 'ड्रिंमींग ट्वेंटीफोर सेव्हन' निर्मित, संजय कुकरेजा, सुरज सिंग आणि दिपक पांडुरंग राणे ह्यांची निर्मिती असलेला, संजय जाधव दिग्दर्शित 'लकी' चित्रपटात दिप्ती सती आणि अभय महाजन मुख्य भूमिकेत आहेत. हा सिनेमा 7 फेब्रुवारी 2019 ला संपूर्ण महाराष्ट्रातल्या सर्व सिनेमागृहांमध्ये झळकणार आहे.


Web Title: Did you see the first look of Sanjay Jadhav's 'Lucky' movie?
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.