...तर रामदास आठवलेंचंही स्वागत करू; महाआघाडीसाठी काँग्रेसच्या हालचाली
By ऑनलाइन लोकमत | Published: February 25, 2019 10:51 PM2019-02-25T22:51:22+5:302019-02-25T22:55:43+5:30
मित्रपक्षांसाठी 8 जागा सोडण्यास तयार असल्याचा पुनरुच्चार
...तर रामदास आठवलेंचंही स्वागत करू; महाआघाडीसाठी काँग्रेसच्या हालचाली
Next मुंबई: प्रकाश आंबेडकर यांना महाआघाडीत घेण्यासाठी काँग्रेसचे प्रयत्न सुरू आहेत. आंबेडकर यांच्या भारिप बहुजन महासंघासाठी 4 जागा सोडणार असल्याची माहिती काँग्रेसचे विधानसभेतील विरोधी पक्षनेते राधाकृष्ण विखे पाटील यांनी दिली. याबद्दलचा प्रस्ताव आंबेडकर यांना देण्यात आला असून लवकरच त्यांच्याकडून प्रतिसाद मिळेल, असं पाटील यांनी सांगितलं. काँग्रेस-राष्ट्रवादी मित्रपक्षांसाठी 8 जागा सोडेल, याचा पुनरुच्चार त्यांनी केला. पक्षाच्या बैठकीनंतर त्यांनी पत्रकारांना ही माहिती दिली. रिपाईंच्या रामदास आठवलेंचंही आघाडीत स्वागत करू, असंदेखील विखे-पाटील म्हणाले.
Congress' Radhakrishna Vikhe-Patil after party screening committee meeting: Ramdas Athawale was in Congress earlier as well & he is welcome in alliance if he wants. There is no question of talks with MNS. We have had talks with Swabhimani Shetkari Saghtana's Raju Shetti. pic.twitter.com/PWQ56fKO2i
— ANI (@ANI) February 25, 2019
Congress' Radhakrishna Vikhe Patil after party screening committee meeting: We offered Prakash Ambedkar 4 seats & he said they'll reply. There are talks of leaving 8 seats for alliance, there can be 1 or 2 seats more. Congress & NCP have always been flexible for alliance. pic.twitter.com/lwFHVMM0Rd
— ANI (@ANI) February 25, 2019
काँग्रेस-राष्ट्रवादी 40 जागा लढवेल आणि 8 जागा मित्रपक्षांना देईल. मित्रपक्षांना अधिकच्या 1-2 जागा सोडल्या जाऊ शकतात. काँग्रेस, राष्ट्रवादी आघाडीसाठी एक पाऊल मागे येण्यास तयार आहेत, असं विखे पाटील म्हणाले. स्वाभिमानी शेतकरी संघटना, सीपीएम, आंबेडकर यांची वंचित बहुजन आघाडी यांच्याशी चर्चा सुरू आहे. मात्र प्रकाश आंबेडकर यांच्याकडून अद्याप उत्तर आलेलं नाही, असं पाटील म्हणाले. आंबेडकर यांच्यासोबत 3-4 वेळा चर्चा झाली आहे. राष्ट्रीय स्वयंसेवक संघाला कायद्याच्या चौकटीत आणावं, ही त्यांची मागणी आहे. त्यांची ही मागणी आम्हाला मान्य आहे, असंही त्यांनी सांगितलं.
Congress' Radhakrishna Vikhe Patil after party screening committee meeting: Swabhimani Shetkari Saghtana, CPM & Prakash Ambedkar's Vanchit Bahujan Aghadi are there (in talks of alliance with Congress & NCP), but Ambedkar hasn't confirmed. https://t.co/N2iWduQ4Yg
— ANI (@ANI) February 25, 2019
Congress' Radhakrishna Vikhe-Patil after party screening committee meeting: We have had talks with Prakash Ambedkar 3-4 times. They have demanded that RSS need to be brought under law boundation. We're ready for that and have requested them to send us a draft https://t.co/cSrY151SQb
— ANI (@ANI) February 25, 2019
पक्षाच्या बैठकीनंतर पत्रकारांशी संवाद साधणाऱ्या विखे-पाटील यांनी रिपाईंच्या रामदास आठवले यांच्यावरही भाष्य केलं. 'रामदास आठवले आधी काँग्रेससोबत होते. त्यांना आघाडीत येण्याची इच्छा असल्यास त्यांचं स्वागत असेल. राजू शेट्टी यांच्या स्वाभिमानी शेतकरी संघटनेसोबतदेखील चर्चा सुरू आहे. मात्र मनसेला सोबत घेण्याचा प्रश्नच येत नाही,' असं पाटील यांनी स्पष्ट केलं.