Non-political persons against the Rane, both are from Congress | राणेंच्या विरोधात अराजकीय व्यक्ती?, दोन्ही काँग्रेसची खलबते
राणेंच्या विरोधात अराजकीय व्यक्ती?, दोन्ही काँग्रेसची खलबते

मुंबई : माजी मुख्यमंत्री नारायण राणे यांनी विधान परिषदेच्या पोटनिवडणुकीसाठी उमेदवारी अर्ज दाखल केला तर त्यांच्याविरोधात अराजकीय, अभ्यासू आणि सामाजिक प्रतिष्ठा असणारी व्यक्ती उभी करावी, असा सूर काँग्रेस-राष्ट्रवादीच्या नेत्यांच्या बैठकीत निघाल्याची माहिती विरोधी पक्षनेते राधाकृष्ण विखे पाटील यांनी दिली.
७ डिसेंबर रोजी होणा-या विधान परिषदेच्या पोटनिवडणुकीत कोणाला उभे करायचे, यावर काँग्रेस व राष्ट्रवादी काँग्रेस नेत्यांच्या संयुक्त बैठकीत विचारमंथन झाले. काँग्रेस पक्ष सोडताना राणे यांनी आमदारकीचा राजीनामा दिल्यामुळे ही पोटनिवडणूक होत आहे. रिक्त झालेली ही जागा काँग्रेसची आहे, त्यामुळे तेथे काँग्रेसने उमेदवार उभा केल्यास त्याला राष्टÑवादीचा पाठिंबा राहील, असे राष्टÑवादीचे प्रदेशाध्यक्ष सुनील तटकरे यांनी बैठकीत सांगितले. तसेच दोघांच्या सहमतीने एक उमेदवार उभा करावा व त्यासाठी शिवसेनेचे समर्थन मिळेल काय यासाठी प्रयत्न करावेत, अशीही चर्चा बैठकीत झाली. मात्र शिवसेना आज जरी राणेंच्या विरोधात बोलत असली तरी आपल्या भूमिकेवर कायम राहील की नाही, याविषयी काही नेत्यांनी साशंकता व्यक्त केली.
अर्ज दाखल करण्याची शेवटीची तारीख २७ नोव्हेंबर आहे. तोपर्यंत आणखी दोन ते तीन बैठका होतील. त्यानंतर जे ठरेल त्यानुसार निर्णय घेतला जाईल, असेही विखे यांनी ‘लोकमत’शी बोलताना सांगितले. काँग्रेसचे प्रदेशाध्यक्ष अशोक चव्हाण, राष्टÑवादीचे प्रदेशाध्यक्ष सुनील तटकरे यांच्यासह उपसभापती माणिकराव ठाकरे, राष्टÑवादीचे नेते अजित पवार, विधान परिषदेचे विरोधी पक्षनेते धनंजय मुंडे, जयंत पाटील, शरद रणपिसे आदींची उपस्थिती होती.
दरम्यान, भाजपा पक्ष कार्यालयातून उमेदवारी अर्ज नेण्यात आला आहे. मंगळवारी नारायण राणे विधानभवनात येऊन गेले. एक चर्चा अशीही आहे की राणे यांना मंत्री करायचे आणि आता घटक पक्षाचे सदस्य मंत्री आहेत म्हणून त्यांना आम्ही मतदान केले, असे सांगून राणे यांना भाजपाने मतदान करायचे, त्याचवेळी शिवसेनेने मतदान केले तर चांगलेच, नाही तर त्यांची मते फोडायची. या रणनीतीची चर्चा चालू असली तरी त्यावर अधिकृतपणे कोणीही बोलायला तयार नाही.
>शायना एन.सी. यांचेही नाव चर्चेत : राणे यांना विधान परिषदेवर निवडून आणायचे की त्या जागी भाजपातून शायना एन.सी. किंवा माधव भांडारी यांच्यापैकी एकाला संधी द्यायची यावर भाजपात चाचपणी सुरू आहे. शिवसेना शायना एन.सी. यांच्या नावाला होकार देईल असे सांगितले जात आहे. मात्र भाजपातून यावर कोणीही अधिकृतपणे बोलायला तयार नाही. सगळ्यांची बोटं मुख्यमंत्र्यांच्या दिशेने आहेत.


Web Title: Non-political persons against the Rane, both are from Congress
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.

प्रमोटेड बातम्या

संबंधित बातम्या

ईव्हीएम जनजागृती मोहिमेला २७ डिसेंबरपासून सुरुवात

ईव्हीएम जनजागृती मोहिमेला २७ डिसेंबरपासून सुरुवात

1 hour ago

निवडणूक आयोग ‘सोशल’ मीडियाचा करणार वापर

निवडणूक आयोग ‘सोशल’ मीडियाचा करणार वापर

2 hours ago

परभणी : प्रात्यक्षिकातून मतदान यंत्राची जनजागृती

परभणी : प्रात्यक्षिकातून मतदान यंत्राची जनजागृती

3 hours ago

लोकसभेसाठी आता निवडणुका झाल्यास राज्यात भाजपाला बसणार फटका -  सर्व्हे

लोकसभेसाठी आता निवडणुका झाल्यास राज्यात भाजपाला बसणार फटका -  सर्व्हे

6 hours ago

नामको निवडणुकीत ३६.२१ टक्के मतदान

नामको निवडणुकीत ३६.२१ टक्के मतदान

1 day ago

नाशिक मर्चंट बॅँक:   मतदारांचा निरुत्साह; पोलिसांचा उत्साह

नाशिक मर्चंट बॅँक:   मतदारांचा निरुत्साह; पोलिसांचा उत्साह

1 day ago

प्रमोटेड बातम्या

महाराष्ट्र अधिक बातम्या

नाणार प्रकल्पाबाबत शिवसेनेची दुटप्पी भूमिका - राधाकृष्ण विखे पाटील

नाणार प्रकल्पाबाबत शिवसेनेची दुटप्पी भूमिका - राधाकृष्ण विखे पाटील

9 hours ago

राणेंच्या काँग्रेस प्रवेशाच्या बातम्या म्हणजे अफवाच - अशोक चव्हाण

राणेंच्या काँग्रेस प्रवेशाच्या बातम्या म्हणजे अफवाच - अशोक चव्हाण

10 hours ago

वंचित आघाडी देणार छगन भुजबळांना समर्थन

वंचित आघाडी देणार छगन भुजबळांना समर्थन

12 hours ago

नारायण राणे पुन्हा काँग्रेसमध्ये?... बघा, अशोक चव्हाण काय म्हणाले

नारायण राणे पुन्हा काँग्रेसमध्ये?... बघा, अशोक चव्हाण काय म्हणाले

13 hours ago

Maharashtra News: राज्यातील टॉप 10 बातम्या - 21 जानेवारी

Maharashtra News: राज्यातील टॉप 10 बातम्या - 21 जानेवारी

15 hours ago

'ढवळ्या शेजारी बांधला पवळ्या'...अण्णा हजारे यांची मुख्यमंत्र्यांवर खोचक टीका

'ढवळ्या शेजारी बांधला पवळ्या'...अण्णा हजारे यांची मुख्यमंत्र्यांवर खोचक टीका

20 hours ago