नाशिकच्या शासकीय वसतिगृहातील औरंगाबादच्या विद्यार्थिनीची आत्महत्या

नाशिक : नाशिक - पुणे महामार्गावरील नासर्डी पुलाजवळील समाजकल्याण कार्यालयाजवळ असलेल्या मुलींच्या शासकीय वसतिगृहातील विद्यार्थिनीने शुक्रवारी (दि.23) गळफास घेऊन आत्महत्या केली. गौरी एकनाथ जाधव (२१,रा़ औरंगाबाद) असे आत्महत्या केलेल्या विद्यार्थिनीचे नाव असून ती नर्सिंगच्या द्वितीय वर्गात शिक्षण घेत होती़

ठळक मुद्दे शासकीय वसतीगृहातील विद्यार्थिनी ; नर्सिंगचे शिक्षण प्रेम प्रकरणातून आत्महत्या केल्याचा अंदाज ; मुंबई नाका पोलीस ठाण्यात नोंद

नाशिक : नाशिक - पुणे महामार्गावरील नासर्डी पुलाजवळील समाजकल्याण कार्यालयाजवळ असलेल्या मुलींच्या शासकीय वसतिगृहातील विद्यार्थिनीने शुक्रवारी (दि.23) गळफास घेऊन आत्महत्या केली. गौरी एकनाथ जाधव (२१,रा़ औरंगाबाद) असे आत्महत्या केलेल्या विद्यार्थिनीचे नाव असून ती नर्सिंगच्या द्वितीय वर्गात शिक्षण घेत होती़

पोलिसांनी दिलेल्या माहितीनुसार नाशिक - पुणे महामार्गावरील नासर्डी पुलाजवळ समाजकल्याण विभागाचे विभागीय कार्यालय आहे़ या कार्यालयाजवळच मुलींचे वसतीगृह असून या ठिकाणी गौरी जाधव ही विद्यार्थिनी राहत होती़ नाशिक शहरातील गणपतराव आडके नर्सिंग महाविद्यालयात द्वितीय वर्गात शिक्षण घेत असलेल्या गौरीने दुपारच्या सुमारास वसतीगृहातील आपल्या खोलीत गळफास घेऊन आत्महत्या केली़ दुपारी दीड वाजेच्या सुमारास हा प्रकार उघडकीस आल्यानंतर तत्काळ मुंबई नाका पोलीसांना घटनेची माहिती देण्यात आली़ 

मुंबई नाका पोलीस शासकीय वसतीगृहात पोहोचल्यानंतर त्यांनी गौरीने आत्महत्या केलेल्या खोलीची तपासणी केली़ गौरीने आत्महत्येपुर्वी लिहिलेली चिठ्ठी पोलिसांना मिळाल्याची माहिती सूत्रांनी दिली असून प्रेमप्रकरणातून तिने आत्महत्या केल्याचा प्राथमिक अंदाज पोलिसांनी वर्तविला आहे़ पोलिसांनी घटनास्थळी मृतदेहाचा पंचनामा केला असून शवविच्छेदनासाठी तो जिल्हा शासकीय रुग्णालयात पाठविला आहे़

दरम्यान, गौरी जाधवच्या आत्महत्येचे खरे कारण पोलीस तपासानंतरच पुढे येणार आहे़ या प्रकरणी मुंबई नाका पोलीस ठाण्यात अकस्मात मृत्युची नोंद करण्यात आली आहे़