ठळक मुद्देसातारा, सांगली आणि रत्नागिरी जिल्ह्यात भूकंपाचे धक्केपहाटे 5 वाजून 20 मिनिटांनी भूकंपाचे सौम्य धक्के जाणवलेभूकंपाची तीव्रता 3.5 रिश्टर स्केल इतकी होती

सातारा - सातारा, सांगली आणि रत्नागिरी जिल्ह्यात भूकंपाचे धक्के जाणवले आहेत. हे भूकंपाचे धक्के सौम्य असल्याने सुदैवाने कोणत्याही प्रकारची जीवित किंवा वित्तहानी झालेली नाही. आज पहाटे 5 वाजून 20 मिनिटांनी भूकंपाचे सौम्य धक्के जाणवले. भूकंपाची तीव्रता 3.5 रिश्टर स्केल इतकी होती. दरम्यान भूकंपाचे धक्के सौम्य असले तरी त्याचा कालावधी जास्त असल्याने नागरिकांमध्ये भीतीचं वातावरण पसरलं होतं. भूकंपानंतर काही नागरिक घराबाहेर आले होते. 

कोयना परिसरापासून 21 किलोमीटर अंतरावर असलेल्या वारणेतील जवळे गावाजवळ भूकंपाचा केंद्रबिंदू असल्याची प्राथमिक माहिती आहे. सातारा, सांगली आणि रत्नागिरी जिल्ह्यात हे भूकंपाचे धक्के जाणवले. साता-यातील कराड भागासह कडेगाव तालुक्यात भूकंपाचे धक्के जाणवले. रत्नागिरीच्या देवरुख, संगमेश्वर आणि चिपळूणच्या काही भागातही भूकंपाचे धक्के जाणवले. पण सांगली जिल्ह्यातील अनेक भागांमध्ये भूकंपाचे धक्के सर्वाधिक जाणवले असल्याची माहिती आहे. 

सौम्य धक्के असल्याने सुदैवाने भूकंपात जीवित अथवा वित्तहानी झालेली नाही. मात्र नागरिकांमध्ये थोडं भीतीचं वातावरण आहे. 


Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.