दोन नक्षलवाद्यांचा खात्मा; दोघांना अटक

By लोकमत न्यूज नेटवर्क on Sat, February 10, 2018 2:06am

गडचिरोली जिल्ह्यातील लाहेरी पोलिसांना वॉन्टेड असलेल्या दोन जहाल नक्षलवाद्यांना चंद्रपूर जिल्ह्यातील बल्लारपूर रेल्वे स्टेशन परिसरातून शुक्रवारी सकाळी अटक करण्यात आली.

चंद्रपूर/ गोंदिया : गडचिरोली जिल्ह्यातील लाहेरी पोलिसांना वॉन्टेड असलेल्या दोन जहाल नक्षलवाद्यांना चंद्रपूर जिल्ह्यातील बल्लारपूर रेल्वे स्टेशन परिसरातून शुक्रवारी सकाळी अटक करण्यात आली. तर मध्यप्रदेश, छत्तीसगड व गोंदिया या परिसरासाठी नक्षलवाद्यांच्या प्लाटून नं. ५५ च्या डेप्युटी कंमाडर व एक सदस्य अशा दोघांचा छत्तीसगडच्या राजनांदगाव पोलिसांनी सकाळीच झालेल्या चकमकीत खात्मा केला. त्यांच्यावर १० लाखांचे बक्षीस होते. विनोद उर्फ दावेन सेरकुराम कोरेटी (२६) व सागर (२८), अशी मृत नक्षल्यांची नावे आहेत. तर रामन्ना आणि पद्मा अशी अटक केलेल्यांची नावे आहेत. अटक केलेल्या दोन्ही नक्षलवाद्यांवर लाहेरी पोलीस ठाण्यात विविध गुन्हे दाखल आहेत. हे दोघे बल्लारपुरात असल्याची गोपनीय माहिती नक्षल सेलच्या पथकाला मिळाली होती. यावरून जिल्हा पोलीस अधीक्षक नियती ठाकर यांच्या मार्गदर्शनाखाली नक्षल सेलचे पोलीस उपनिरीक्षक धर्मेंद्र मडावी यांनी आपल्या ताफ्यासह सर्च मोहीम राबविली. बल्लारपूर रेल्वे स्टेशन परिसरात रामन्ना आणि पद्मा संशयितरित्या फिरताना आढळले. तांत्रिक बाबी सांभाळायचा रामन्ना अटक केलेला रामन्ना हा दंडकारण्य स्पेशल झोनल कमिटीचा मेंबर असून त्याला पकडून देण्यासाठी २५ लाखांचे बक्षीस जाहीर करण्यात आले आहे. तर पद्मा ही एरीया कमिटीची मेंबर आहे. तिच्यावर सहा लाखांचे बक्षीस जाहीर करण्यात आले. रामन्ना हा मूळचा हैदराबाद राज्यातील असून नक्षल चळवळीत तो तांत्रिक बाबी सांभाळायचा, अशी माहिती जिल्हा पोलीस अधीक्षक नियती ठाकर यांनी दिली.

संबंधित

शस्त्रास्त्र बनविण्यात पारंगत होता नक्षल नेता रामन्ना, त्याच्यावर होते 25 लाखाचे इनाम
दोन विभिन्न नक्षलविरोधी कारवाईत दोघांचा खात्मा तर दोघे अटकेत
नक्षल्यांकडून गोळ्या झाडून युवकाची हत्या, पैशांचा घोळ केल्याचा संशय
नक्षल समर्थक प्रशांत राही, विजय तिरकीला दणका
कोरेगाव-भीमा हिंसाचारात हात? कल्याणमधून अटक करण्यात आलेल्या 7 नक्षलवाद्यांवर संशय

महाराष्ट्र कडून आणखी

हरभजनही सामना जिंकून देतो रे! : अजित पवार
विजेत्या ग्रामपंचायतींना प्रत्येकी १० लाख रुपये - चंद्रशेखर बावनकुळे; लोकमत सरपंच अवॉर्ड्सचे थाटात वितरण
91 व्या मराठी साहित्य संमेलनाचे बडोद्यात थाटात उद्घाटन
राजा तू चुकत आहेस! तू सुधारलं पाहिजे, साहित्य संमेलनाध्यक्ष लक्ष्मीकांत देशमुख यांचा असहिष्णुतेविरोधात एल्गार
मॅग्नेटिक महाराष्ट्राच्या लखलखाटाखाली विझक्राफ्टचा अंधार : सचिन सावंत

आणखी वाचा