कोल्हापूर : कसबा बावड्यात तरुणावर खूनी हल्ला, चौघांना अटक मंडपातील कुत्रे सोडलेचा राग

आंबेडकर नगर, कसबा बावडा येथील मंडपात बांधलेले कुत्रे सोडलेचा जाब विचारलेच्या रागातून सात ते आठ जणांनी तरुणास लाथाबुक्यांनी मारहाण करुन चाकुने भोसकले. प्रकाश भूपाल चव्हाण (वय ४०, रा. शिंदे गल्ली, कसबा बावडा) असे जखमीचे नाव आहे.

ठळक मुद्देमंडपात बांधलेले कुत्रे सोडलेचा जाब विचारलेच्या रागातून

कोल्हापूर : आंबेडकर नगर, कसबा बावडा येथील मंडपात बांधलेले कुत्रे सोडलेचा जाब विचारलेच्या रागातून सात ते आठ जणांनी तरुणास लाथाबुक्यांनी मारहाण करुन चाकुने भोसकले. प्रकाश भूपाल चव्हाण (वय ४०, रा. शिंदे गल्ली, कसबा बावडा) असे जखमीचे नाव आहे. याप्रकरणी शाहुपूरी पोलीसांनी आठजणांवर गुन्हा दाखल करुन पाच जणांना अटक केली.

संशयित निलेश संभाजी काळे , रितेश संभाजी काळे , संतोष पिलाजी चव्हाण , संभाजी काळे, मल्या कांबळे, अभिजीत कांबळे (सर्व रा. कसबा बावडा) अशी त्यांची नावे आहेत.

अधिक माहिती अशी, कसबा बावडा येथे पंचमुखी गणेश मंडळाचे दूध वाटपाचा कार्यक्रम सोमवारी होता. त्यासाठी दूपारपासून भाविकांची गर्दी होती. संभाजी काळे हा देखील दूध घेण्यासाठी आला. सोबत असलेले कुत्रे त्याने गणेश मंडपाच्या खांबाला बांधून तो दूध घेण्यासाठी गेला. मागे येईपर्यंत कार्यकर्त्यांनी कुत्रे मंडपातून सोडून पाठिमागे बांधले होते. त्याचा राग काळेला आला. त्याने शिवीगाळ केल्याने तणाव पसरला. सायंकाळी पाचच्या सुमारास काळे वीस ते पंचवीस तरुणांना घेवून मंडपात आला.

यावेळी आरती सुरु होती. येथील काही ज्येष्ठ कार्यकर्त्यांनी आरती झालेनंतर वाद मिटवूया असे सांगुन त्यांना माघारी घालवले. त्यानंतर रात्री साडेनऊच्या सुमारास प्रकाश चव्हाण हा मित्र महेश राणे याला घेवून काळे यांच्या गल्लीत वाद मिटविण्यासाठी गेला. चर्चा सुरु असताना संशयित निलेश काळे याने प्रकाशला तुझा जिवंत सोडत नाही, असे म्हणून पोटात चाकुने भोसकले. यावेळी त्याच्या साथीदारांनी प्रकाशसह त्याचा मित्र महेशला लाथाबुक्यांनी बेदम मारहाण केली. जखमी प्रकाशला येथील स्थानिक नागरिकांनी सीपीआर रुग्णालयात दाखल केले.