अंजली दमानियांविरूद्ध जारी केलेले अटक वॉरंटचे आदेश रावेर न्यायालयाकडून रद्द

By ऑनलाइन लोकमत on Fri, February 09, 2018 6:51pm

रावेर : स्तनाच्या कर्करोगावरील शस्त्रक्रियेमुळे प्रवासात जंतूसंसर्ग होवू नये म्हणून दमानियांच्या वकिलांनी दाखल केला होता अर्ज

रावेर - माजी महसूलमंत्री एकनाथ खडसे यांच्या माध्यमातून भारतीय जनता पक्षाची बदनामी केल्याप्रकरणी रावेर न्यायालयात दाखल झालेल्या फौजदारी खटल्याचे सुनावणीसाठी सामाजिक कार्यकर्त्यां अंजली दमानिया या सतत अनुपस्थित राहिल्याने गुरूवारी रावेर न्यायालयाने अंजली दमानियांविरूद्ध अटक वॉरंट जारी करण्याचे आदेश पारीत केले होते. मात्र, सामाजिक कार्यकर्ते अंजली दमानिया यांच्यावर मुंबईच्या कोकीळाबेन धीरुभाई अंबानी रूग्णालयात स्तनाच्या कर्करोगाची दोनदा शस्त्रक्रिया केल्याने व त्यांच्या सासू हंसा दमानिया यांनाही लिलावती इस्पितळात दाखल केल्याने त्या रावेर न्यायालयात सुनावणीसाठी उपस्थित न राहू शकल्याचे परिस्थितीजन्य दस्तऐवज सादर करण्यात आले. त्यांचे वकील सुधीर कुलकर्णी व अॅड दिलीप बोरसे यांनी दाखल केलेल्या अर्जावरून शुक्रवारी (9 फेब्रुवारी) रावेर न्यायालयाने अटक वॉरंटचे जारी केलेले आदेश माघारी घेत असल्याचे आदेश नव्याने पारीत केले आहेत. 

काय आहे नेमके प्रकरण ? भारतीय जनता पार्टीचे नेते व माजी महसूलमंत्री एकनाथराव खडसे यांच्यावर जावयाची लिमोझीन कार, भोसरी भूखंड प्रकरण, अपसंपदा गोळा करणे, कार्यकर्त्याचे लाच प्रकरण आदी विषयांवर खोटे आरोप करून बदनामी केल्याप्रकरणी सामाजिक कार्यकर्त्या अंजली दमानिया यांच्या विरूद्ध भाजपा तालुकाध्यक्ष सुनील पाटील यांनी रावेर न्यायालयात बदनामीचा फौजदारी खटला दाखल केला होता. याप्रकरणी रावेर न्यायालयाने दोनवेळा समन्स बजावणी करूनही अंजली दमानिया सतत ७ ते ८ सुनावणीसाठी गैरहजर राहिल्याने न्यायालयाचे न्यायाधीश दिलीप मालवीय यांनी गुरुवारी सांताक्रुझ पोलीस स्टेशनला त्यांना तातडीने अटक वॉरंटचे बजावण्यात आले होते.

रावेर भारतीय जनता पार्टीचे तालुकाध्यक्ष सुनील पाटील यांनी माजी महसूल मंत्री एकनाथराव खडसे यांच्या अनुषंगाने भारतीय जनता पार्टीची बदनामी केल्याप्रकरणी मुंबईच्या सामाजिक कार्यकर्ते अंजली दमानियांविरूद्ध रावेर फौजदारी व दिवाणी न्यायालयात भादंवि कलम ४९९ व ५०० अन्वये दि २८ जून २०१६ रोजी फौजदारी खटला क्र ४०० /१६ दाखल केला होता. दरम्यान, अंजली दमानिया यांना रावेर न्यायालयाने प्रोशेस इश्यू करून दोनवेळा समन्स बजावले होते. दरम्यान, गत सात ते आठ सुनावणीसाठी त्या सतत अनुपस्थित राहिल्याने त्यांच्याविरुद्ध अटक वॉरंट काढण्यात यावे, असा विनंती अर्ज भारतीय जनता पार्टीचे वकील चंद्रजित पाटील व तुषार माळी यांनी दाखल केला. या अर्जावर न्यायाधीश दिलीप मालवीय यांच्या खंडपीठासमोर सुनावणी करण्यात आली. यावेळी न्यायालयाने सामाजिक कार्यकर्ते अंजली दमानिया यांना वाकोला (सांताक्रूझ) पोलिसांमार्फत अटक वॉरंट बजावण्यासंबंधी आदेश दिले होते.  

संबंधित

Rajasthan Assembly Elections 2018: JNUमधील कंडोम मोजणाऱ्या भाजपा आमदाराचा पत्ता कट
महाकौशल : दोन्ही प्रदेशाध्यक्षांची प्रतिष्ठा पणाला
छत्तीसगडमध्ये मराठी पक्ष देणार टक्कर
राजकीय पक्षांनी दोन जाहीरनामे काढावेत
नागपुरात भाजपा पदाधिकाऱ्यांचा काँग्रेसमध्ये प्रवेश

जळगाव कडून आणखी

आकांक्षित जिल्हा रिक्तपदांनी खिळखिळा
दाभोलकर हत्याप्रकरण: दोषारोपपत्रासाठी सीबीआयला मुदतवाढ, ४५ दिवसांचा अवधी
नागपूर मनपाला जीएसटीचे वर्षाकाठी १०३८ कोटी
मॅरेथॉन बैठकीत काँग्रेसने घेतला राजकीय आढावा; पक्षनेत्यांचा उत्साह वाढल्याचे चित्र
पालकमंत्र्यानी दिले मामा तलाव दुरुस्तीचे निर्देश

आणखी वाचा