'टायगर जिंदा है'?; खेळण्यातील वाघामुळे स्कॉटलंड पोलिसांचे झाले हसे

By ऑनलाइन लोकमत on Fri, February 09, 2018 10:41am

घटनास्थळी पोलीस आणि श्वानांची विशेष पथकेही पाठवण्यात आली.

एडिनबर्ग: आपल्याकडे अनेकदा सामन्य लोक सुरक्षा यंत्रणांच्या कामगिरीचे मूल्यमापन करताना स्कॉटलंड यार्डच्या पोलिसांचा दाखला देतात. मात्र, स्कॉटलंडमध्ये नुकत्याच घडलेल्या एका प्रकारामुळे ही सर्व प्रतिष्ठा धुळीला मिळाली आहे.  स्कॉटलंडच्या ईशान्येकडील एका शेतात हा सर्व प्रकार घडला. गेल्या आठवड्यात शनिवारी रात्री येथील एका शेतकऱ्याला त्याच्या शेतात एक वाघ बसलेला दिसला. हे बघून शेतकरी प्रचंड घाबरला. त्याने लगेचच पोलिसांना याबद्दल माहिती दिली. थोड्याचवेळात पोलीस घटनास्थळी हजरही झाले. मात्र, साधारण पाऊण तासानंतर जेव्हा सगळ्याचा उलगडा झाला तेव्हा पोलिसांना डोक्यावर हात मारून घेण्याची वेळ आली.   पोलिसांनी याठिकाणी आल्यानंतर शेतात बसलेल्या वाघाचे फोटो कंट्रोल रूमला पाठवले. तेव्हा एका तज्ज्ञाने हा खरा वाघ असल्याचे सांगितले. त्यामुळे कंट्रोल रूमकडून अनुचित प्रसंग उद्भवल्यास वाघाचा सामना करण्यासाठी घटनास्थळी पोलीस आणि श्वानांची विशेष पथकेही पाठवण्यात आली. यादरम्यान वाघाचे पोट भरल्यामुळे तो बहुधा शांत बसून आहे, फक्त अधूनमधून त्याचे कान हलताना दिसत आहेत, अशी माहिती कंट्रोल रूमला दिली जात होती. मात्र, पाऊणतासाने पोलिसांच्या एका अधिकाऱ्याने शेतातील तो वाघ खरा नसून खेळण्यातील असल्याचे प्रसारमाध्यमांना सांगितले. तेव्हा सगळ्यांनीच डोक्यावर हात मारून घेतला. वाघ खरा आहे किंवा नाही हे समजायला पाऊणतास कसा काय लागू शकतो, असे अनेक सवाल नेटिझन्सकडून उपस्थित करण्यात आले. अनेकांनी यावरून पोलिसांची खिल्ली उडवत मजेशीर ट्विटस केली.  यानंतर स्कॉटलंडच्या ईशान्य विभागाच्या पोलिसांनी सारवासारव करताना फेसबुकवरून या सगळ्या प्रकाराची माहिती दिली. सुमारे 45 मिनिटे हा प्रकार सुरू होता. शेवटी नागरिकांच्या जीवाला कोणताही धोका नसल्याचे स्पष्ट झाले. तो वाघ खोटा होता, याचा आम्हाला आनंद आहे. आम्ही या सगळ्याकडे सकारात्मक पद्धतीने बघतो, असे पोलिसांनी म्हटले. मात्र, तोपर्यंत पोलिसांची व्हायची ती नाचक्की झालीच होती. 

संबंधित

समुद्राच्या लाटेत वाहून जाणाऱ्या मुलीला कुत्र्याने वाचवलं; व्हिडीओ व्हायरल!
खुलासा! दिवसभर काय-काय खातो 'इराणी हल्क'?
किस्मत कनेक्शन! नवरी जुळ्या बहिणी, नवरदेव जुळे भाऊ आणि लग्न लावणारेही जुळे भाऊ!
Maharashtra Bandh : औदुंबर पाटील यांची तात्पुरती बदली, अफवा पसरविणारे संदेश भोवले
शिवरामटोला-भरनोली परिसरात वाघाचा धुमाकुळ

आंतरराष्ट्रीय कडून आणखी

नासाने घेतली सूर्याकडे झेप! ताशी ७ लाख किमी वेगाने करणार प्रवास
३३ राखीव जागाही इम्रान खानकडे, बहुमताचा मार्ग सुकर
नोबेल पुरस्कार विजेते लेखक व्ही.एस. नायपॉल कालवश
नासाचे ऐतिहासिक उड्डाण, सूर्याच्या दिशेने झेपावले 'सोलर प्रोब यान'
इंडोनेशियाचे बेट भूकंपाने १० इंच आले वर! प्रचंड विनाश; ४०० मृत्य

आणखी वाचा