#SHOCKING : केस कापायला गेलेल्या ग्राहकाचा स्टायलिस्टने चक्क कापला कान

आपल्या दुकानात ग्राहक बनून आलेल्या देवाचं स्वागत स्टायलिस्टने वेगळ्याच पध्दतीनं केलं. त्यानं चक्क त्याचा कान कापला आणि त्याची हेअर स्टाईलही बिघडवली.

ठळक मुद्देया ग्राहकाला आपल्या केसांना वेगळी स्टाईल द्यायची होती म्हणून तो स्टायलिस्टकडे गेला होता.त्यानंतर स्टायलिस्टनं त्याला इलेक्ट्रॉनिक रेजरने त्याला हेअरकट द्यायला सुरुवात केली.पण त्यावेळी त्याने रेजर कानाच्या इतक्या जवळून नेला की तिथे खरचटून रक्त येऊ लागलं.

अमेरिका : तुम्ही जर सलूनमध्ये केस कापायला जात असाल तर जरा सावधान. कारण आमच्या हाती अशी माहिती आली आहे, जी वाचून तुमच्या पायाखालची जमिनच सरकेल. एका स्टायलिस्टनं आपल्या एका ग्राहकाचा चक्क कानच कापला आणि केसांची रचनाही बदलली. शेवटी त्या इसमाला संपूर्ण टक्कल करावं लागलं. 

आणखी वाचा - जगभरातील ही विचित्र कामे ऐकून तुम्हीही थक्क व्हाल

दि सन या संकेतस्थळाने दिलेल्या माहितीनुसार, अमेरिकेतल्या विस्कॉन्सिनमध्ये एक २२ वर्षीय इसम ख्रिसमसच्या दिवशी आपले केस कापायला गेला होता. या इसमाला आपल्या केसांना वेगळी स्टाईल द्यायची होती. त्यामुळे त्या ग्राहकाने स्टाईलविषयी केस कापणाऱ्याला सांगितलं. त्यानंतर स्टायलिस्टनं त्याला इलेक्ट्रॉनिक रेजरने त्याला हेअरकट द्यायला सुरुवात केली. त्याने सहकाऱ्यांना आपल्या केसांना दोन क्लिप लावायला सांगितले. जेव्हा त्याने रेजर फिरवायला सुरुवात केली तेव्हा त्याने प्रथम ग्राहकाचा एक कान पूर्णपणे पिरगळला. त्यानंतर स्टायलिस्टने कानाच्या बाजूने इलेक्ट्रॉनिक रेजर फिरवायला सुरुवात केली.  तो रेजर कानापासून इतक्या जवळून नेला की त्यामुळे कानातून रक्त यायला लागलं. आपल्या कानातून रक्त येतंय हे पाहून तो ताडकन खूर्चीतून उठला. कान कापल्यावरून त्या इसमाने स्टायलिस्टसोबत वाद घालायला सुरुवात केली. पण स्टायलिस्टनेही तुम्ही हलत होतात म्हणून चुकून रेजर लागला असं स्पष्टीकरण दिलं. स्टायलिस्टने कान तर कापलाच शिवाय त्याच्या केसांचीही वाट लावली होती. शेवटी त्या इसमाने याविरोधात पोलिसांकडे तक्रार दाखल केली. अखेर या स्टायलिस्टला पोलिसांनी अटक केली आहे. दरम्यान, केस कापताना स्टायलिस्टने वाकडे-तिकडे केस कापल्याने त्याला स्वत:चं पूर्णच टक्कल करावं लागलं. पण ही घटना चुकून झाली असून ग्राहक स्वत: हलत असल्याने चुकून कान कापला गेला असा दावा केला आहे, तर ग्राहकाने हा दावा फेटाळून लावलाय. स्टायलिस्टने मुद्दाम असा प्रकार केल्याचा आरोप त्या ग्राहकाने केला आहे.