धक्कादायक! विक्षिप्त परिचारकाने केली 106 रुणांची हत्या

By ऑनलाइन लोकमत on Fri, November 10, 2017 8:08pm

वैद्यकीय क्षेत्रात काम करणाऱ्या व्यक्तींना देवदूताची उपमा दिली जाते. पण या क्षेत्रामध्येही काही विकृतीही वावरत असतात. अशीच एक धक्का देणारी घटना...

 बर्लिन - वैद्यकीय क्षेत्रात काम करणाऱ्या व्यक्तींना देवदूताची उपमा दिली जाते. पण या क्षेत्रामध्येही काही विकृतीही वावरत असतात. अशीच एक धक्का देणारी घटना जर्मनीमध्ये उघडकीस आली आहे. जर्मनीमध्ये औषधांचे अधिक डोस देऊन एका परिचारकाने (ब्रदर) 106 रुग्णांचा जीव घेतल्याचा आरोप होत आहे. दरम्यान, अजून काही मृतदेहांची तपासणी सुरू असल्याने या प्रकारामुळे मृत्यू झालेल्या रुग्णांची संख्या वाढू शकते, अशी भीती तपासकर्त्यांनी व्यक्त केली आहे.  नील्स होजेल नामक 41 वर्षीय परिचारकाला 2015 साली केलेल्या दोन हत्यांच्या आरोपाखाली जन्मठेपेची शिक्षा भोगत आहे. तसेच होजेलवर उत्तरी ब्रोमेनमधील एका रुग्णालयात आयसीयूमध्ये असलेल्या चार रुग्णांच्या हत्येचा आरोप आहे. पोलिसांनी ऑगस्ट महिन्यांत सांगितले होते की, होजेलने सुमारे 90 रुग्णांची हत्या केली आहे. या हत्यांपैकी बहुतांश प्रकरणांची चौकशी पूर्ण झाल्याचे पोलिसांनी म्हटले आहे. तसेच होजेलला 16 हत्यांप्रकरणी दोषी ठरवण्यात आले आहे. 1999 पासून 2005 पर्यंत होजेल दोन स्थानिक रुग्णालयांमध्ये परिचारक होता. याचदरम्यान त्याने या हत्या केल्या.    ओल्डेनबर्गमध्ये सरकारी पक्षाने सांगितले की, पुढील वर्षी होजेल याच्यावर अजून काही आरोप ठेवण्यात येणार आहेत. होजेल हा रुग्णाना जाणूनबुजून औषधांचा अधिक डोस देत असे. ज्यामुळे रुग्णांना हृदयविकाराचा झटका येत असे वा त्यांच्या शरीरातील एकेक अवयव निकामी होत असत. कहर म्हणजे यानंतर तो त्या रुग्णांवर उपचार करायचा आणि त्यातून  एकादा रुग्ण वाचलाच तर वरिष्ठांकडून त्याचे कौतुक होऊन नावलौकिक व्हायचा.   जर्मनीच्या इतिहासामधील ही एक विचित्र घटना आहे. होजेलच्या या कृत्यामुळे चिंताजनक परिस्थितीमध्ये उपचार घेत असलेल्या रुग्णांला स्वास्थ लाभावे अशी प्रार्थना पोलिसांनी केली आहे. तसेच होजेलला आपण औषधांचा अतिरिक्त डोस किती रुग्णांना दिला हे माहित नाही. मात्र असे 30 वेळा घडल्याचे त्याने सांगितल्याचे या प्रकरणाचा तपास करणाऱ्यांनी सांगितले आहे.  

संबंधित

रुग्णालयांना डिपॉझिट घ्यावेच लागेल, महापालिकेला पत्र पाठविण्याचा अधिकारच काय?
‘ई-टेंडरिंग’मुळे जि.प.ची १३ लाखांची झाली बचत!
मोफत उपचारांची वशिलेबाजांवर खैरात, गरीब रूग्णांना उपचारापासून वंचित ठेवण्याचे षड्यंत्र
राज्य कर्करोग रूग्णालयातील भाभा ट्रॉन व लिनर एक्सलेटरमुळे रुग्णांची वेटींग होणार कमी
अकरा महिन्यांत  ७३ बळी घेणारा ‘स्वाइन फ्लू’ ओसरला

आंतरराष्ट्रीय कडून आणखी

चक्क सह-संस्थापकाला मेल करून वन प्लस ५टी मागितला गिफ्ट म्हणून   
हाफिज सईदच्या सुटकेनंतर पाकिस्तानमध्ये रात्रभर जश्न, केक कापून साजरं केलं स्वातंत्र्य
ब्रिटनमध्ये 'पद्मावती' प्रदर्शित करण्याची परवानगी, करणी सेनेची थिएटर्स जाळण्याची धमकी
#Shocking : खाली कोसळणाऱ्या विमानाचं दृष्य पाहून तुम्हाला बसेल धक्का
नासाची ड्रोन रेस, कृत्रिम बुद्धिला मानवाने हरवले

आणखी वाचा