64 लाख रुपये घरभाडे थकवल्यामुळे मल्लिका शेरावतची पॅरिसमधल्या घरातून हकालपट्टी ?

आपल्या हॉट, मादक अदांमुळे नेहमीच चर्चेत असणारी बॉलिवूड अभिनेत्री मल्लिका शेरावतची पॅरिसमधल्या राहत्या घरातून हकालपट्टी करण्यात आल्याचे वृत्त बीबीसीने दिले आहे.

ठळक मुद्देमल्लिका आणि सिरिल सध्या आर्थिच चणचणीचा सामना करत असल्याचे वकिलाने कोर्टाला सांगितले आहे.मर्डर, प्यार के साईड इफ्केट आणि डबल धमाल हे मल्लिकाचे बॉलिवूडमधील चित्रपट आहेत.

पॅरिस - आपल्या हॉट, मादक अदांमुळे नेहमीच चर्चेत असणारी बॉलिवूड अभिनेत्री मल्लिका शेरावतची पॅरिसमधल्या राहत्या घरातून हकालपट्टी करण्यात आल्याचे वृत्त बीबीसीने दिले आहे. मल्लिका तिचा फ्रेंच प्रियकर सिरिल ऑग्सेफॅन्ससोबत पॅरिसमध्ये एक अपार्टमेंटमध्ये राहत होती. मल्लिकाने घर मालकाचे 80 हजार युरो म्हणजे 64 लाख रुपयांचे भाडे थकवल्यामुळे तिला घर सोडावे लागले आहे. सध्या या प्रकरणावर पॅरिसमधील न्यायालयात सुनावणी सुरु आहे.  

मागच्यावर्षी मल्लिका आणि सिरिलवर अपार्टमेंटच्या लॉबीमध्ये हल्ला झाला होता. त्यावेळी हल्लेखोरांनी दोघांना लुटले होते. या हल्ल्याचा निषेध म्हणून मल्लिका आणि सिरिलने घरभाडे थकवले आहे. घर मालकाबरोबर सुरु असलेल्या वादावर तोडगा निघाल्यानंतर लगेचच थकलेले सर्व भाडे अदा केले जाईल असे दोघांच्या वकिलाने सांगितले. 

मल्लिका आणि सिरिल सध्या आर्थिक चणचणीचा सामना करत असल्याचे वकिलाने कोर्टाला सांगितले आहे. 2016 मध्ये मल्लिकाला चांगले मानधन मिळत होते. त्यामुळे ते सहज थकलेले भाडे भरु शकतात असे घर मालकाच्या वकिलाने कोर्टाला सांगितले. पॅरिसमधील न्यायालय लवकरच या प्रकरणावर निकाल देणार आहे. 

मर्डर, प्यार के साईड इफ्केट आणि डबल धमाल हे मल्लिकाचे बॉलिवूडमधील चित्रपट आहेत. मर्डर सिनेमासाठी मल्लिका आजही प्रेक्षकांच्या लक्षात आहे. या चित्रपटात तिने अनेक हॉट सीन्स देऊन इंडस्ट्रीमध्ये स्वत:ची ओळख निर्माण केली. 2015 साली तिने डर्टी पॉलिटिक्स चित्रपटात  महत्वाची भूमिका केली होती. राजस्थानमधील भवरी देवीच्या आयुष्यावर आधारीत हा चित्रपट होता असे बोलले होते. या चित्रपटात मल्लिकाने दिवगंत अभिनेते ओमपुरी यांच्यासोबत अनेक हॉट सीन्स केले होते. 

Some in the media think I hv an apartment in Paris !! It’s absolutely Not True , if someone has donated one to me, pls send me the address :) https://t.co/ScDyL3Abt8

— Mallika Sherawat (@mallikasherawat) December 14, 2017