एअर इंडियाच्या पायलटची घोडचूक; भलत्याच रनवेवर उतरवले विमान
By ऑनलाइन लोकमत | Published: September 7, 2018 07:25 PM2018-09-07T19:25:45+5:302018-09-07T19:44:19+5:30
एअर इंडियाच्या पायलटची घोडचूक; भलत्याच रनवेवर उतरवले विमान
माले : मालदीवमधील माली व्हेलाना आंतरराष्ट्रीय विमानतळावर नव्याने तयार करण्यात येत असलेल्या धावपट्टीवरच विमान उतरवल्याने एअर इंडियाच्या 136 प्रवाशांच्या जिवाला धोका निर्माण झाला होता. मात्र, विमानाचे टायर फुटण्यावरच निभावल्याने सर्वांनी सुटकेचा निश्वास सोडला. हा प्रकार डीजीसीएने गंभीरपणे घेतला असून दोन्ही वैमानिकांना निलंबित केले आहे.
एअर इंडियाचे एआय 263 हे विमान शुक्रवारी तिरुअनंतपुरमहून मालदीवला पोहोचले. या विमानात 136 प्रवासी आणि कर्मचारी प्रवास करत होते. व्हेलाना विमानतळावर नवीन धावपट्टी नुकतीच तयार करण्यात आली आहे. तसेच या धावपट्टीवर सिग्नल आणि लाईटही लावण्यात आले आहेत. मात्र, अद्याप या धावपट्टीची साफसफाई करण्यात आलेली नाही.
Air India flight #AI263 landed at the nonoperational runway (under construction) at Male Velana International Airport in the Maldives: Flight24 pic.twitter.com/utL4XljH8D
— ANI (@ANI) September 7, 2018
#UPDATE This being a serious incident, Aircraft Accident Investigation Bureau (AAIB) has been informed. Both the pilots have been off rostered: Directorate General of Civil Aviation (DGCA) https://t.co/z36oMW4OUQ
— ANI (@ANI) September 7, 2018
एअर इंडियाच्या वैमानिकाने या नव्या धावपट्टीला मुख्य धावपट्टी समजून विमान उतरवले. मात्र, विमानाचे दोन टायर फुटले आणि विमान या धावपट्टीवरच अडकून पडले. सर्व प्रवासी सुखरुप असल्याचे माले पोलिसांनी सांगितले.
#UPDATE: Air India 320-NEO aircraft VT EXL has landed on wrong runway (under construction runway) at Male, Maldives. All 136 passengers plus crew on board are safe. 2 main wheel deflated. The aircraft has been towed to parking bay.
— ANI (@ANI) September 7, 2018
सौदीमध्येही असाच प्रकार
सौदी अरेबियामध्येही गेल्या महिन्यात भारतीय विमान वाहतूक कंपनी जेट एअरवेजच्या वैमानिकाने उड्डाण करण्यासाठी धावपट्टी ऐवजी टॅक्सींसाठी असलेल्या रस्त्यावर विमान नेले होते. या विमानात 150 प्रवासी होते.
