पी.सी.ओ.एस.मुळे जडतात मानसिक विकार. वेळीच सावधान असलेलं बरं.

By madhuri.pethkar on Thu, November 09, 2017 6:39pm

पी. सी. ओ .एस. संदर्भातला एक अभ्यास नुकताच प्रसिध्द झाला आहे. हा अभ्यास महिलांना या आजाराची गंभीर दखल घेण्यास सांगत आहे. त्याचं कारण म्हणजे या आजाराचे काही नवीन परिणाम संशोधनातून सिध्द झाले आहे. हे परिणाम महिलांना त्यांच्या मानसिक आरोग्याची काळजी घेण्यास सूचित करत आहे.

माधुरी पेठकर. पी. सी. ओ .एस. पी.सी.ओ.डी. अर्थात पॉलिसिस्टीस ओव्हरी सिंड्रोम किंवा पॉलिसिस्टीस ओव्हरी डिसीज या संकल्पना आता सगळ्यांच्याच परिचयाच्या झाल्या आहेत. महिलांशी संदर्भात असलेला हा विकार, त्याचं स्वरूप आणि त्याचे परिणाम इतके व्यापक आहेत की त्यावर सतत अभ्यास होत असून त्या अभ्यासाचे निष्कर्ष नियमित प्रसारित होत असतात.

यासंदर्भातला एक अभ्यास नुकताच प्रसिध्द झाला आहे. हा अभ्यास महिलांना या आजाराची गंभीर दखल घेण्यास सांगत आहे. त्याचं कारण म्हणजे या आजाराचे काही नवीन परिणाम संशोधनातून सिध्द झाले आहे. अभ्यासकांच्या मते पी.सी.ओ.एसमुळे मानसिक आजार, असंतुलन वाढतं. पी.सी.ओ.एस मुळे वंध्यत्व, अनियमित पाळी, शरीरावर अनावश्यक केस यासारखे परिणाम दिसतात. पी.सी.ओ.एस या आजाराशी सामना करता करताच जर मूल जन्माला आलं तर जन्माला येणा-या बाळाच्या मेंदू विकासावरही परिणाम होतो.

 

ज्या मुलींमध्ये, महिलांमध्ये पी.सी.ओ.एसची लक्षणं दिसतात त्यांनी लगेचंच या आजारावर औषधोपचार करायला हवेत. तसेच मानसोपचार तज्ञ्ज्ञांचा सल्लाही नियमितस्वरूपात घ्यायला हवा. जगभरात 5 ते 10 टक्के महिलांना हा पी.सी.ओ.एस. आजार जडला आहे. या आजारात महिलांच्या शरीरात पुरूषी संप्रेरकांचं प्रमाण वाढतं. ज्याचा थेट परिणाम त्यांच्या प्रजोत्पादन क्षमतेवर होतो. पाळी अनियमित होवून चेहे -यावर आणि शरीरावर इतरत्र अनावश्यक केस, काळे डाग यांचं प्रमाण वाढतं.

 

 

आता तर यासंदर्भातल्या नवीन अभ्यासानं या विकाराचा महिलांच्या मानसिक आरोग्यावर होणा-या परिणामांवर प्रकाश टाकला आहे. तसेच गरोदरपणात महिलांच्या शरीरात टेस्टोस्टेरोन या संप्रेरकाची पातळी वाढली तर त्याचा परिणाम गर्भाच्या मेंदू विकासावर होतो आणि मुलांमध्ये आॅटिझम नावाचा विकारही विकसित होवू शकतो. या अभ्यासात पी.सो.ओ.एस.मुळे जगभरात 17000 महिलांना मानसिक असंतुलनाला तोंड द्यावं लागत आहे. या अभ्यासात गेल्या सहा महिन्यापासून पी.सो.ओ.एस. च्या लक्षणांचा सामना कराव्या लागणा-या मुलींचा, महिलांचा समावेश केला गेला. या महिलांची तुलना ही लक्षणं नसलेल्या महिला मुलींशी केली असता पी.सी.ओ.एस.ची लक्षणं असलेल्या महिलांमध्ये मानसिक असंतुलन आढळून आलं आहे. या महिलांमध्ये भीतीग्रस्तता, विमनस्कता ( डिप्रेशन) आढळून आली.

पी.सो.ओ.एस.नं बाधित महिलांनी जन्म दिलेल्या बहुतांश मुलांमध्ये आॅटिझमची लक्षणं दिसून आलीत. अशा महिलांनी या पी.सी.ओ.एस.ची लक्षणं दिसल्याबरोबरच मानसिक असंतुलनावरही उपचार घ्यायला हवे होते असं अभ्यास सांगतो.

त्यामुळे पी.सी.ओ.एस. आहे म्हटल्यावर या विकारावर जसे औषधोपचार घ्यावे लागतात तसेच या आजारातून निर्माण होणा-या मानसिक आजारावरही आधीच उपचार घ्यायचे असतात. या विकाराशी असं दोन्ही पातळीवरून लढल्यास या विकाराच्या दुष्परिणामांची तीवता मोठ्या प्रमाणात कमी होते.

 

 

संबंधित

उद्घाटनापूर्वीच चिकलठाणा सामान्य रुग्णालयाची ५८ लाखांची औषधी कालबाह्य
राज्य कर्करोग रूग्णालयातील भाभा ट्रॉन व लिनर एक्सलेटरमुळे रुग्णांची वेटींग होणार कमी
५ वर्षांत ९८ जणांचे देहदान; घाटी रुग्णालय ऋणनिर्देश सोहळ्यात मानणार त्यांच्या कुटूंबियांचे आभार 
औरंगाबादमधील गॅस्ट्रोच्या उद्रेकाची राज्यभरात झाली गंभीर नोंद; आरोग्य संस्थांना दक्षतेचा इशारा
ध्वनी प्रदुषण रोखण्यासाठी रिक्षाचालकाकडून अशी मदत

हेल्थ कडून आणखी

मानुषी छिल्लरसारखी फिगर हवीये? -हे वाचा
प्लॅस्टिक कण्टेनर आवडीनं वापरताय मग हे वाचाच!
रोज चालता का तुम्ही १०,००० पावलं?
फक्त तरुणच नव्हे, तरुणींमध्येही चढतेय अति व्यायामाची नशा...
थोडं थांबा, अतिरेकी व्यायामाची ‘नशा’ तर तुम्हाला चढलेली नाही?

आणखी वाचा