...हा फोटो पाहून दिग्दर्शकांनी अमिताभ बच्चन यांना ठरवलं वेडा

1977 मध्ये रिलीज झालेल्या "खून पसीना" चित्रपटाच्या शुटिंगदरम्यानचा एक फोटो अमिताभ बच्चन यांनी ट्विटरवर शेअर केला आहे

ऑनलाइन लोकमत

मुंबई, दि. 20 - बॉलिवूड शेहनशहा अमिताभ बच्चन यांनी आपली एक जूनी आठवण शेअर केली आहे. 1977 मध्ये रिलीज झालेल्या "खून पसीना" चित्रपटाच्या शुटिंगदरम्यानचा एक फोटो अमिताभ बच्चन यांनी ट्विटरवर शेअर केला आहे. या फोटोमध्ये अमिताभ बच्चन एका ख-या वाघासोबत दिसत आहेत. चित्रपटाचील एक सीनमध्ये अमिताभ बच्चन वाघाशी दोन हात करत असतात, त्यावेळी सेटवर एका ख-या वाघाला आणण्यात आलं होतं. अमिताभ बच्चन यांनी स्वत: हा धाडसी सीन शूट केला होता. मात्र त्यांचा हा फोटो पाहून स्टंट दिग्दर्शकांनी त्यांना वेडा म्हटलं आहे. स्वत: अमिताभ बच्चन यांनीच ही माहिती दिली आहे. 

 

अजय देवगण उलगडणार तानाजी मालुसरेंची शौर्यगाथा

 

"हसीना" श्रद्धा कपूरमुळे 22 वर्षात पहिल्यांदाच DDLJ चा शो रद्द

अमिताभ बच्चन यांनी मंगळवारी आपल्या ट्विटर अकाऊंटवरुन एक ब्लॅक अॅण्ड व्हाईट फोटो शेअर केला. या फोटोत ते एका वाघासोबत दोन हात करताना दिसत आहेत. या फोटोसोबत अमिताभ यांनी कॅप्शन लिहिली आहे की, "खून पसीना चित्रपटाक एका ख-या वाघासोबत लढत होतो, एक खरं आव्हान होतं ते....आजच्या जमान्यातील स्टंट दिग्दर्शकांसोबत मी हे शेअर केलं....त्यांना वाटलं मी वेडा होतो". 

 

T 2489 - Fighting a real tiger for "Khoon Pasina" .. a real task .. shared it with stunt directors of today .. they thought I was MAD .. pic.twitter.com/4aXJqOSmIt— Amitabh Bachchan (@SrBachchan) July 18, 2017