ग्लोबल ‘प्रिसिजन’ ने दिली सोलापूरला नवी ओळख

By लोकमत न्यूज नेटवर्क | Published: February 14, 2018 03:18 AM2018-02-14T03:18:26+5:302018-02-14T03:18:56+5:30

१०० वर्षांपूर्वी मल्टिप्लेक्स संस्कृती प्रथम सोलापुरात रुजली. आता याच शहरात यतीन शहा व डॉ. सुहासिनी शहा यांच्या प्रिसिजन फाऊंडेशन व पुणे फिल्म फेस्टिव्हलच्या संयुक्त विद्यमाने दि. १६ ते १८ फेब्रुवारी या कालावधीत आंतरराष्टÑीय सिनेमा महोत्सव होत आहे. १३ देशातील २१ दर्जेदार सिनेमांचा सहभाग त्यात असणार आहे.

 Global 'Precision' gave new recognition to Solapur | ग्लोबल ‘प्रिसिजन’ ने दिली सोलापूरला नवी ओळख

ग्लोबल ‘प्रिसिजन’ ने दिली सोलापूरला नवी ओळख

Next

- राजा माने

१०० वर्षांपूर्वी मल्टिप्लेक्स संस्कृती प्रथम सोलापुरात रुजली. आता याच शहरात यतीन शहा व डॉ. सुहासिनी शहा यांच्या प्रिसिजन फाऊंडेशन व पुणे फिल्म फेस्टिव्हलच्या संयुक्त विद्यमाने दि. १६ ते १८ फेब्रुवारी या कालावधीत आंतरराष्टÑीय सिनेमा महोत्सव होत आहे. १३ देशातील २१ दर्जेदार सिनेमांचा सहभाग त्यात असणार आहे. ‘प्रिसिजन’ परिवाराचे प्रत्येक पाऊल सोलापूरला नवी ओळख निर्माण करून देणारे ठरते...

श्रम देवतेचे पूजक असलेल्या बहुभाषिक सोलापूर शहराने आपली पारंपरिक ‘गिरणगाव’ ही ओळख पुसून टाकण्याची प्रक्रिया गतिमान केली आहे. दरवर्षी राज्याला लागणाºया शालेय गणवेशांच्या निर्मितीत घसघशीत अर्धा वाटा उचलणाºया या शहराची ख्याती आता ‘गारमेंट आणि टेक्स्टाईल हब’ म्हणून देशभर होऊ लागलेली आहे. तेलंगणा, आंध्रप्रदेश आणि कर्नाटकाच्या सीमेवरील या शहराचा चेहरा जसा उद्यमशील आहे तसाच उत्सवप्रियदेखील आहे. साहित्य, क्रीडा आणि कलाक्षेत्रात सतत उपक्रमशील असलेल्या या शहराचे सर्वच आघाड्यांवर आंतरराष्टÑीय पातळीवर ब्रँडिंग करण्याची चळवळ उभी राहत आहे. याच चळवळीतील कृतिशील शिलेदार म्हणून यतीन शहा, डॉ. सुहासिनी शहा व त्यांच्या प्रिसिजन कॅमशाफ्टस् लि. या कंपनीची आवर्जून नोंद घ्यावी लागते.
सोलापुरातील गिरण्या बंद पडत असताना शहराचा औद्योगिक श्वास गतिमान करण्याचे काम यतीन शहा यांच्या प्रिसिजन उद्योग परिवाराने १९९० च्या दशकापासूनच सुरू केले. त्यांचे वडील स्व. सुभाष शहा यांच्या वाहन उद्योग क्षेत्राला लागणाºया पार्टस्च्या उत्पादन उद्योगाला वैश्विक पातळीवर नेण्याचे काम त्यांनी केले. कल्पकता, संशोधनवृत्ती, धडाडी आणि जागतिक बाजारपेठेशी स्पर्धा करू शकणारी गुणवत्ता या बळावर पाहता-पाहता प्रिसिजन उद्योग समूह ‘ग्लोबल’ बनला. कॅमशाफ्टस् निर्मितीत त्यांनी युरोप, अमेरिका, चीनपर्यंत आपली पाळेमुळे रुजविली. सोलापुरात तयार झालेले कॅमशाफ्टस् टाटा, मारुतीसारख्या भारतीय कंपन्यांबरोबरच बी.एम.डब्ल्यू. मर्सिडीस्, फोर्ड, पोर्शसारख्या प्रतिष्ठित आंतरराष्टÑीय वाहनांमध्ये स्थिर झाले. आज इंग्लंड, जर्मनी आणि चीनसारख्या देशांमधील ख्यातनाम कंपन्यांसोबत उद्योग भागीदार बनण्याचे काम या कंपनीने केले आहे.
सोलापुरात पाळेमुळे असलेल्या या आंतरराष्टÑीय कंपनीने आपल्या मातीशी असलेली नाळ अनेक माध्यमांतून घट्ट करण्याचा प्रयत्न केला आहे. त्या प्रयत्नात यतीन शहा यांच्या पत्नी डॉ. सुहासिनी तसेच त्यांचा मुलगा करण व सून मयुरा, मुलगी तन्वी यांचा सदैव सक्रिय सहभाग राहिला आहे. व्यावसायिक आघाडीवर अनेक विक्रम नोंदविणारा शहा परिवार सोलापूरच्या सांस्कृतिक आणि सामाजिकदृष्ट्या सशक्त बनविण्याची भावना प्रामाणिकपणे जतन करीत आलेला आहे. अगदी जिल्हा परिषद शाळांना संगणक देण्यापासून ते शहरातील कलावंतांना व्यासपीठ मिळवून देण्यापर्यंतचे त्यांचे प्रयत्न चालू असतात. सोलापूरची आर्थिक प्रगती तर झाली पाहिजेच पण त्याला जोडून हे शहर अभिरुची संपन्नही बनले पाहिजे, हा दृष्टिकोन त्यांच्या प्रत्येक उपक्रमात दिसतो. २००९ सालापासून रंगणाºया ‘प्रिसिजन गप्पा’ आजवर कवी ग्रेस, अमोल पालेकरांसारख्या अनेक मान्यवरांच्या सहभागाने संस्मरणीय ठरल्या. २०११ सालापासून स्व. सुभाष शहा यांच्या स्मरणार्थ दिले जाणारे सामाजिक कृतज्ञता पुरस्कार वेगळे काम करणाºया राज्यातील व जिल्ह्यातील संस्था, व्यक्तींचे प्रेरणास्रोत बनले आहे. २०१५ सालापासून सुरू झालेला ‘प्रिसिजन संगीत महोत्सव’ असो वा गतवर्षीपासून पुणे फेस्टिव्हलच्या संयुक्त विद्यमाने होणारा सोलापूर आंतरराष्टÑीय चित्रपट महोत्सव असो, प्रिसिजन परिवाराचे प्रत्येक पाऊल सोलापूरला नवी ओळख देते.

 

Web Title:  Global 'Precision' gave new recognition to Solapur

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.