Chain snatching, mobile and two-wheeler gang racket in Dhule city | धुळे शहरात चेन स्नॅचिंग, मोबाईल आणि दुचाकी चोरणारी टोळी जेरबंद

ठळक मुद्देचेन स्नॅचिंग, मोबाईल, दुचाकी चोरी टोळी जेरबंदचार जणांचा समावेश मोबाईल, मंगलपोत तीन दुचाकी हस्तगत 

लोकमत न्यूज नेटवर्क
धुळे : शहरात दुचाकी, चेन स्नॅचिंग आणि मोबाईल चोरणाºया चार लोकांची टोळी देवपूर पोलिसांनी जेरबंद केली आहे. त्यांच्याकडून चोरी गेलेल्या तीन दुचाकी, तीन मोबाईल आणि एक सोन्याची मंगलपोत पोलिसांनी जप्त केल्याची माहिती शुक्रवारी पत्रकार परिषदेत दिली.
शहरातील नगावबारी परिसरातील एक व वाडीभोकर गावातील तीन तरुणांना देवपूर पोलिसांनी संशयित म्हणून ताब्यात घेतल्यानंतर त्यांनी शहरात घडलेल्या सात गुन्ह्यांची कबुली दिली. त्यानंतर पोलिसांनी त्यांच्याकडून एम.एच.३९ टी ७८४४, एम.एच.१८ क्यू ७५७२ आणि एम.एच.३९ टी ७८४४ अशा क्रमांकाच्या चोरीस गेलेल्या तीन दुचाकी हस्तगत केल्या. तसेच चोरीस गेलेले दोन मोबाईल आणि सोन्याची मंगलपोत असा एकूण ९३ हजारांचा ऐवज हस्तगत केला आहे.  त्यांच्याकडून शहरासह जिल्ह्यात घडलेल्या आणखी काही चोरीच्या घटना उघडकीस येण्याची शक्यता असल्याची माहिती यावेळी पोलिसांकडून देण्यात आली. देवपूर पोलीस स्टेशनचे सहायक पोलीस निरीक्षक अकबर ए.पटेल, सहायक पोलीस उपनिरीक्षक एन.एम. शेमडे, सी.एस.चातुरे, हेकॉ पंकज चव्हाण, कैलास पाटील, चंद्रशेखर नागरे, कबीर शेख, संदीप अहिरे, प्रविण थोरात, विनोद आखडमल, नरेंद्र शिंदे यांनी कामगिरी बजावली.

 


Web Title: Chain snatching, mobile and two-wheeler gang racket in Dhule city
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.